Eurohpalaš buohccedikšungoartta sáhttá diŋgot fas mátkemeassuin kontáktačuoggá ossodagas

Rájiid rasttildeaddji dearvvašvuohtafuolahusa kontáktačuokkis ja Áel leaba mielde Mátki 2019 -meassuin 17.–20.1.2019 ossodagas 6p60. Meassoossodagasteamet sáhtát oahpes vuogi mielde diŋgot eurohpalaš buohccedikšungoartta, jearrat áššedovdiin riikkaidgaskasaš buohccedikšumis ja oahpásnuvvat Hoitopaikanvalinta.fi (sámás: saame.hoitopaikanvalinta.fi)-fierbmebálvalussii. Eurohpa-fáttát bircospealus beasat destet dieđuidat Eurohpa riikkain, ja vuorbádeamis smiehttat mot olgoriikkain ohccojuvvon dikšun buhttejuvvo.

Kontáktačuoggá Facebook-konttus leat meassuid ovddit vahku jođus vuorbádeapmi, mas sáhtát vuoitit meassobileahtaid guovtti olbmui. Vuorbádit bileahttabáhkaid 15.1.2019.

Eurohpalaš buohccedikšungoarttain oaččut dikšuma, jos buohccát olgoriikkamátkkis

 gánnáha váldit mátkái fárrui, daningo heahkastuhtti buohccán olgoriikkamátkkis sáhttá muđuid šaddat divrrasin. Goarttain oaččut dálkkasdieđalaččat vealtameahttun buohccedikšuma almmolaš dearvvašvuohtafuolahusas, go mátkkoštat EU- dehe Eeg-riikkain dehe Šveiccas. Goarttain beasat dikšumii maid, jos guhkesáigge buozalmas gáibida fáhkka dikšuma dehe jos dárbbašat dikšuma áhpehisvuođa dehe riegádahttima dihte. Eurohpalaš buohccedikšungoarttain oaččut dikšuma seamma haddái go báikkálaš áššehasat.

Mátki 2019 -meassuin sáhtát diŋgot nuvttá goartta meassoossodagasteamet, ja meassuid olggobealde goartta sáhttá diŋgot Áel:a áššiiddikšunbálvalusas dehe telefovnna bakte Áel:a bálvalannummáris.

Buohccedikšun olgoriikkain beroštahttá

Rájiid rasttildeaddji dearvvašvuohtafuolahusa kontáktačuoggás oaččut dieđu dearvvašvuohtabálvalusaid geavaheamis olgoriikkain ja Suomas. Kontáktačuokkis neavvu earálágán riikkaidgaskasaš diliin, ovdamearkka dihte mot sáhtát ohcalit dikšuma várás olgoriikkaide, makkár vuoigatvuođat buhcciin leat dehe mot dikšun buhttejuvvo. Rájiid rasttildeaddji dearvvašvuohtafuolahusa kontáktačuokkis gávdno juohke EU-riikkas. Suomas kontáktačuokkis bálvala Hoitopaikanvalinta.fi (sámás: saame.hoitopaikanvalinta.fi) -siidduin ja šleađgaboasta bakte.

– Hoitopaikanvalinta.fi (sámás: saame.hoitopaikanvalinta.fi)-siiddut leat dárkkuhuvvon veahkkin buohkaide, geat dárbbašit juoga ákka dihte dikšuma Suoma rájiid olggobealde, muitala kontáktačuoggá Pia Blomqvist. – Siidduin gánnáha dárkkistit maid mátkái vuolggedettiin dehe olgoriikkaide fárredettiin maid gánnáha váldit vuhtii. Mátkkošteaddjái ávkkálaš diehtu leat badjel 50 riikka riikagovvádusat, mat muitalit dearvvašvuohtafuolahusas.

Kontáktačuoggá áššedovdit nevvot rájiid rasttildeaddji dearvvašvuohtafuolahusa gažaldagain maid mátkemeassuin. Meassoossodagasteamet dovdamušaid sáhttá čuovvut sosiála medias dovddaldagain #matka2019 ja #hoitopaikanvalinta.