Juos buohccát koronavirusii Suomas, dikšun golut sáhttet molsašuddat

Dus lea riekti oažžut dikšuma koronavirusa dagahan dávdii Suomas almmá mávssu haga

•  juos dus lea Suomas ruovttugielda
• juos dus ii leat Suomas ruovttugielda, muhto dus lea dikšunriekteduođaštus:
  • EU- ja Eeg-riikkain ja Šveiccas boahttit ožžot dikšuma eurohpalaš buohccedikšungoarttain.  Olgoriikkain orru suopmelaš ealáhatolbmot ožžot dikšuma Kela (sámás: Áel) mieđihan  ealáhatoažžu eurohpalaš buohccedikšungoarttain.
  • Davviriikkaid olbmot eai vealtameahttumit dárbbat eurohpalaš buohccedikšungoartta Suomas, muhto dikšuma oažžu maid go čájeha bássa dehe eará virggálaš identitehtaduođaštusa.
  • Stuora-Británnias ja Davvi-Irlánddas boahtán olbmot ožžot dikšuma go čájehit eurohpalaš buohccedikšungoartta dehe bássa.
  • Austrálias boahtán olbmot ožžot dikšuma go čájehit bássa.
  • juos dus lea riekti Kela (sámás: Áel) mieđihan dikšunriekteduođaštussii Todistus oikeudesta hoitoetuuksiin Suomessa  (sámás: duođaštus vuoigatvuođas dikšunovdamuniide Suomas) (ovdamearkka dihte Suomas bargi olbmot)
•  juos don leat mátkkálažžan Suomas. Dán olmmošjoavkkus ii vealtameahttumit leat dikšunriekteduođaštus, muhto sis lea WHO riikkaidgaskasaš dearvvašvuohtajulggaštusa mielde vuoigatvuohta nuvttá koronavirusa dagahan buozalmasa dikšumii.

Juos don it gula ovdal namuhuvvon olmmošjoavkkuide, iige dus leat dáhkádus, mii govččalii iežat dutkama dikšungoluid, don sáhtát dattege oažžut nuvttá dikšuma koronavirusa dagahan dávdii muhtin gielddain.  Dárkkis dikšuma addin gielddas, bearrágo dat korona dikšumis ja destemis mávssu.

Buorre fuomášit

• Juos don it leat sihkar iežat vuoigatvuođas buohccedikšumii Suomas, don sáhtát váldit oktavuođa Kelan kansainvälisten asioiden keskukseen (sámás: Kela (Áel) riikkaidgaskasaš áššiid guovddážii)
• Kela Áigeguovdil koronadilis -siidui lea čohkkejuvvon diehtu koronadili váikkuhusain Kela (sámás: Áel) doarjagiidda, ohcamušaid gieđahallamii ja bálvalusaide. Siidu áigeguovdilastojuvvo go dilli rievdá.

Lassidiehtu:

Sosiaali-ja terveysministeriö 26.8.2020: Yhdenvertainen koronatestiin pääsy turvataan myös kotikunnattomille henkilöille (sámás: Sosiála- ja dearvvašvuohtaministeriija 26.8.2020: Ovttaveardásaš koronadestii beassan dorvvastuvvo maid ruovttugielddahis olbmuide)