Lotkadit ođđa logijahkái – oahpásnuva guoigguslistui

30.12.2019


Rajisa some-juovlakaleandar čohkkii oktii 24 guigosa lotkkodahtti juovlaáigái dego earánai riikkat. Váldde guigosiid mielde maiddái ráfálaš ođđa logijahkái. Buresboahtin ođđa jahki 2020! Kaleanddara gávnnát Rajisa Facebookas ja Twitteris.

Juos plánet luomu olgoriikkaide, de sáhtát atnit ávkin siidduideamet fuolahis mátkki plánemii. Riikaguovdasaš siidduineamet oaččut dieđu badjel 50 riikka dearvvašvuohtabálvalusain, vaikkobe mátkkis buohcama várás.

  1. Dolle Salzburgis Mirabella barohkkašlohttii ja vuojulduva Mozarta nuohtaide fiinna marmorsáles.
  2. Váldde vuogas stellelmasa ja návddaš njálgga portugálalaš portviinnas vuosttáin ja gordojuvvon nihtiiguin.
  3. Juga liegga deaja boares kloasttara bázahusaid luhtte Wicklowa álbmotmeahcis ja vuojulduva lundui ja historjjá šuvvii.
  4. Austrálias ealli koalat leat lotkkodeami ámmátlaččat. Dat ođđet eanaš beaivvi.
  5. Jaskkot guldalit suologuovllu eallima suohčama Saaremaas, Estteeatnama stuorimus sullos.
  6. Váldde bulljareaddjása lásedievva ja návddaš Presideanttašloahta feasttaid fiinnagárvvuid čábbodagas ruovttusoffas idjabiktasat badjelis. Lihku Suopma 102!
  7. Divtte beaivváža eahccit ja návddaš leahtus Frankriikka Álppain. Vuoiŋŋastahte julggiidat nu ahte velledat luotkkomuohttagii.
  8. Buokčal mearavuloš máilbmái ja snorkle Mauiain. Ovddoš korállaid, ivdnás guliid ja galbarihcciid.
  9. Borat njálgga eahkedaččaid dáhkketerássas ja ovddoš Dubrovnika boares gávpoga beaiveluoitima olis.
  10. Lávke šokkoláderámbuvrrážii Belgias ja gievo šokkoláde njálggahájas. Hamiidivččiigo niehtte-, sálte- dehe durdešokkoláde?
  11. Greikka beaivváža vuolde lea álki lotkkiidit. Buokčal beaivvi lohppii vuojadanáldái virkkosnuvvat.
  12. Mii ruonasmeriid! Lávke japánalaš šaddogárdái ja návddaš birastahtti ruotnasis.
  13. Čugge suorpmaidat dáigái ja láibbo duiskalaš vanilljáčorvviid (vanillekipferl). Botkal báhkka čorvviid nala sohkkarseaguhusa ja návddaš!
  14. Movttit ovttaslávlumis ja searvva duhátheaggat juovlalávlungorrii Stockholmma ruovderáŧŧestašuvnnas. Hej tomtegubbar, slå i glasen och låt oss lustiga vara!
  15. Thaieatnama gáttiin sáhtát čohkkedit beaivvášstullui ja vuojuhit juolgesuorpmaidat liegga sáddui.
  16. Inspire iežat Picasso, Frida Kahlo ja máŋgga eará dáiddára meašttirdujiin Málaga Centre Pompidou -museas. Soaittát iešnai movttiidit molet?
  17. Doidde eret stirddusvuođa ja deahkkebáhkašuvvamiid Jurmala lávggohatgávpogis Látvias. Čeasit bulljarasaide, mana ruvveheame iežat ja jaskkot sávnnjis.
  18. Oza oidnosii gođđinsákkiid ja gođe ullobáiddi árbevirolaš málle mielde. Islánddalaš lopapeysa ligge ja suddje dálvvi ruvvašiin.
  19. Muosát eahketbeaivvi deadjabotta brihtalaš vuogi mielde ja herskostala liegga skonssiiguin measttuin ja suhkkes lákcasorppiin.
  20. Ovddoš guovssahasaid livžuma Jiekŋameara gáttis. Soaittát oaidnit maid fálláid?
  21. Beavdi herskkoid dievva, birra sohka ja ustibat, olu hupmamuš ja áigi. Návddaš guhkes eahkedaččain itálialaš vieruid mielde – buon appetito!
  22. Visot earret jieŋa nalde oaggun lea dušši – Kanadasnai dan dihtet! Dohppe vuokka fárrosat ja návddaš birastahtti luonddu jaskatvuođas.
  23. Báhkke lávkii buori girjji ja dolle gáddái Tulumii. Divtte hieimma čagarduhttit oktanaga go vuojulduvat muitalusa doalvvuhit.
  24. Dánmárku lea hygge ruovtturiika. Giessas nappo basuhit juovllaid kanela ja guossamuoraid hája birastahttimiin. Glædelig Jul!