Rajisa 24 geažideami mieiganstuollomátkkošteapmái

31.12.2020


Dán jagi Rajisa juovlakaleanddaris dahkkojuvvui mieiganstuollomátki máilmmi birra. Almmustuhtiimet juovlakaleanddara Twitteris ja Facebookas. Juos vajálduhttet čuovvut mieiganstuollomátkámet somes, beasat vel mielde go guovlladat 24 geažideami, maiguin oaččut riikkaidgaskasaš dovdamušaid iežat ruovttusoffái.

Muittáthan don, ahte kontáktačuokkis neavvu rájiid rasttildeaddji dearvvašvuohtafuolahusa áššiin maid spiehkastatlaš áiggiid. Boahtte mátkkiid plánedettiinat gávnnat min siidduin olu dehálaš dieđu dearvvašvuođa bálvalusain Suomas ja eará guovllus.

  1. Álggat ođđa giela oahpahallama, dehe rokka sátnegirjji ja virkkosnuhte iežat sátneráju. Man giela don háliidivččet oahppat hupmat?
  2. Leago dus ruonábealgi? Šaddat iežat bonsaimuora ja girdde miellagovahallama sojiiguin Japánii.
  3. Ráhkat olgoriikkalaš maŋŋeborramuša, ovdamearkka dihte fránskalaš Bûche de Noël. Leatgo dis juovlabeavddis eará riikkaid herskkot?
  4. Doala ráfálaš eahkeda ja oahpásnuva muhtin dutnje oalle dovdameahttun riikka historjái ja kultuvrii.
  5. Loga girjji, mii lea riikka birra, gos don it leat vel beassan galledit.
  6. Dán jagi mii leat buohkat bovdejuvvon Šloahta ávvudoaluide! Bajit cearkki Supmii ja guossástala virtuálalaččat Presideantašloahtas ja Suoma sierra guovlluin.
  7. Buorit iežat boares beaivvášháhta geassehearvvaiguin vuordit čuovvovaš gáddeluomu. Mii lea du jiellatgáddi?
  8. Muosát inspirašuvnnaid musihkas! Beasat riikkaidgaskasaš dovdduid sisa vaikko juo itálialaš opera dehe brasilialaš samba mielde.
  9. Širáffa, keŋgur, njoammil dehe rihcci? Láibbo juovlabihpporgáhkuid iežat jiellatriikka eallifiguvran ja herve – dušše miellagovahallan lea rádjin!
  10. Vuolgge virtuála museagalledemiide ja oahpásnuva sierra riikkaid dáiddaártnaide ruovttusoffás. Odne Dali, ihttin Guggenheim?
  11. Beroštahttáliigo togamátki Eurohpa čađa dehe mohkki Afrihkas? Doala lávdespealloeahkeda ja geahča gosa bircu du fievrrida.
  12. Muittágo, go čuovgagovat vel váldojuvvoje kamerain eaige iežáriin? Čohkke iežat boares mátkegovain govvagirjji skeaŋkan alccesat dehe mátkesearvásat.
  13. Glad Lucia! Buori Lucia beaivvi! Dihtetgo, ahte Lucia-árbevierru leat boahtán Supmii Ruoŧas?
  14. Ovddoš sierra máilmmiravddaid luonddu ja eallišlájaid nu ahte geahčat miellagiddevaš dokumeanttaid.
  15. Buđal stuora juovlasuohku biiseravdii! Suohkkoárbevierru jáhkkojuvvo riegádan Eurohpas juo čuđiid jagiid dás ovdal.
  16. Doala botta juovlaráhkkanemiin ja čuojat guhkes telefovnna ustibii dehe fuolkái, gii orru olgoriikkain.
  17. Vuojulduva reaisodovdamušaid sisa ja loga mátkegirjjálašvuođa!
  18. Gidde čalmmiidat ja hivvehala boahtteáiggi mátkeplánaid. Gosa háliidivččet vuolgit, go máilmmidilli diktá fas mátkkoštit.
  19. Dolle mieiganstuollomátkki Islándii ja čieŋo lohkat ságaid, gaskaáigásaš islánddalaš muitalusaid.
  20. Belgia šokoláderámbuvrrážat bohtet du lusa njálgga šokoládeskáhpuid hámis.
  21. Dálvejorggáldaga gudnin sáhtát ovddošit skábma ivdnesuoivaniid Davviguovlluid sierra báikkiin.
  22. Máhkomátkái njuolga Lissabon juovladovdamušaid sisa nu ahte láibbut Bolo Rei-heđengáhku.
  23. Váldde čielgasa sierra riikkaid juovlaárbevieruin! Dihtetgo, ahte Kanadas mánát sáhttet čállit juovlastállui ja oažžut vástádusa?
  24. Návddaš juovladovdduin muosis ruovttus ja bargga maid heive. Dehe nabe juos livččet fal barggakeahttá maidege? Buriid juovllaid!