Vuoitte bileahtaid Matka 2020 (sámás: Mátki 2020) -meassuide ja boađe oahpásnuvvat min ossodahkii 6p60

Rájiid rasttildeaddji dearvvašvuohtafuolahusa kontáktačuokkis ja Kela leaba mielde Mátki 2020 -meassuin 16.–19.1.2020 ossodagas 6p60. Meassoossodagas sáhtát dego ovdalge diŋgot eurohpalaš buohccedikšungoartta ja jearrat áššedovdiin dearvvašvuohtabálvalusain ja buohccedikšumis olgoriikkain. Ovdanbuktit meassuin maid ođasnuvvan EU-terveydenhoito.fi (sámás: EU-dearvvašvuođadikšun.fi) -fierbmebálvalusa. Meassoosodagasteamet leaikamielat diehtogilvvus guolástuvvojit gažaldagat, ja vuorbádeamis sáhtát vuoitit rehpo vánddardanmátkái go vástidat gažaldahkii, mii laktása min fierbmebálvalussii.

Vuoitte bileahtaid mátkemeassuide!

Kontáktačuoggá Facebook-konttus lea mátkemeassuid ovddit vahku jođus vuorbádeapmi, mas sáhtát vuoitit meassobileahtaid guovtti olbmui. Sáhtát oassálastit vuorbádeapmái nu ahte kommenteret min Facebook-almmustuhttima ja muitalat leago dus juo eurohpalaš buohccedikšungoarta. Vuorbádit bileahttabáhkaid mánnodaga 13.1.2020.

Mátkái mielde eurohpalaš buohccedikšungoarta – diŋgo iežat goartta mátkemeassuin

Juogo dus lea eurohpalaš buohccedikšungoarta? Goarttain oaččut dikšuma EU- ja Eeg-riikkain sihke Šveiccas, juos vaikko buohccát fáhkkestaga luopmomátkkis. Mátki 2020 -meassuid áigge sáhtát diŋgo nuvttá goartta meassoossodagasteamet. Meassuid olggobealde goartta sáhttá diŋgot Kela áššiiddikšunbálvalusas dehe telefovnna bakte Kela bálvalannummáris.

EU-dearvvašvuohtadikšun.fi-siiddut mielde meassohušas

Hálidivččetgo mátkkoštit dikšuma várás Suoma olggobeallái? Maid juos buohccát luopmomátkkistat? Orodatgo ealáhatáiggi olgoriikkain vai soaittát don leat vuolgime stuđeantalonohallamii dehe bargui olgoriikkaide? Dáidda ja máŋgga eará riikkaidgaskasaš diliid gažaldagaide gávnnat vástádusaid EU-dearvvašvuohtadikšun.fi-siidduin.

– EU-dearvvašvuohtadikšun.fi-siiddut leat dárkkuhuvvon veahkkin buohkaide, geat dárbbašit juoga sivas dikšuma Suoma rájiid olggobealde, muitala kontáktačuoggá plánejeaddji  Pia Blomqvist. – Siidduin gánnáha dárkkistit maid mátkái vuolggedettiin dehe olgoriikkaide mutkkodettiin gánnáha váldit vuhtii. Mátkkošteaddjái ávkkálaš dieđut leat badjel 50 riikka riikagovvádusat mat muitalit dearvvašvuohtafuolahusas.

EU-dearvvašvuohtadikšun.fi doaimmai ovdal namain Hoitopaikanvalinta.fi (sámás: Dikšunbáikkiválljen.fi) ja lea ođasnuvvan nama lassin maid sisdoalus ja ráhkadusas mielde. Pia Blomqvist muitala bloggastis mot ođđa namma gávdnui áššehasaideamet ja guimmiideamet vehkiin.

Rájiid rasttildeaddji dearvvašvuohtafuolahusa kontáktačuokkis neavvu

Rájiid rasttildeaddji dearvvašvuohtafuolahusa kontáktačuoggás oaččut dieđu dearvvašvuohtabálvalusaid geavaheamis olgoriikkain ja Suomas. Kontáktačuokkis oahpista iešguđetlágán riikkaidgaskasaš diliin, ovdamearkka dihte mot sáhtát ohcalit dikšuma várás olgoriikkaide, makkár vuoigatvuođat buohccis leat dehe mot dikšun buhttejuvvo. Mátki 2020 -meassuin kontáktačuoggá áššedovdit leat báikki nalde meassuid áigge ja nevvot gažaldagain, mat laktásit rájiid rasttildeaddji dearvvašvuohtafuolahussii.

Rájiid rasttildeaddji dearvvašvuohtafuolahusa kontáktačuokkis gávdno juohke EU-riikkas. Suomas kontáktačuokkis bálvala siidduin EU-terveydenhoito.fi (sámás: EU-dearvvašvuohtadikšun.fi) sihke šleađgaboasttain.

Meassoossodagamet dovdamušaid sáhttá čuovvut sosiála medias dovddaldagain #matka2020 ja #EUterveydenhoito. Kontáktačuokkis juohká meassoságaid Facebookas ja Twitteris.