Áel:a ovdalohpemearrádus

Áel addá olgoriikkaide dikšumii ohcaleami ovdalohpeohcamuššii mearrádusa, mas sáhtát váidit hálddahusriektái.


Hálddahusrievtti mearrádusas sáhttá váidit viidáseappot alimus hálddahusriektái, jos alimus hálddahusriekti mieđiha váidinlobi.

Sáhtát ohcat Áel:a ovdalobi mearrádussii nuppástusa, jos mearrádus guoská du dehe don leat mearrádusas namuhuvvon olbmo fuolaheaddji dehe ávkegohcci. Áel sádde ovdalohpemearrádusa diehtun maid dan almmolaš dearvvašvuohtafuolahusa doaibmaovttadahkii, mii attii ohcamuššii cealkámuša Áel:a bivdaga mielde. Dábálaččat cealkámušaddi lea buohccedikšunbiire.

  • Sáhtát váidit Áel:a ovdalohpemearrádusas hálddahusriektái, man duopmobiirres du ruovttugielda lea.
  • Daga váidaga Helssega hálddahusriektái, jos dus ii leat Suomas ruovttugielda.
  • Váidda galgá dahkkot 30 jándora siste mearrádusa oažžumis.

Jos áššehas guođđá Áel:ii váidaga, mii guoská ovdalohpemearrádusa, Áel doaimmaha váidaga dan hálddahusriektái, man duopmobiirres olbmo ruovttugielda lea.

Mearrádusat, mat gusket ovdalobi miel goluid buhttema

Maiddái Áel:a mearrádusas, mii guoská ovdalobi goluid miel buhttema, sáhttá váidit hálddahusriektái.

Áel:a mearrádussii, mii guoská ovdalobiin addojuvvon dikšuma mátke-, orodan- ja dálkkasgoluid  buhttema, sáhttá ohcat nuppástusa Sosiáladorvvu nuppástusohcanlávdegottis.

Alimus hálddahusriektái váidin

Hálddahusrievtti mearrádusas sáhttá váidit alimus hálddahusriektái, jos alimus hálddahusriekti mieđiha váidinlobi. Dábálaš váidináigi alimus hálddahusriektái lea 30 beaivvi.

Alimus hálddahusrievtti mearrádus lea loahpalaš ja das ii sáhte váidit.