Kela máksá buhtadusa buozalmasa dikšumii merrojuvvon dálkasiid, klinihkalaš borramušbuktagiid ja vuođđovuoidagiid goluin Suomas orruide ja buohcama várás oadjuduvvon olbmuide. Buhtadus sáhttá dihto diliin máksojuvvot EU-njuolggadusaid dehe riikkaidgaskasaš soahpamušaid vuođul maid olbmui, guhte boahtá EU-guovllu olggobealde.

Kela sáhttá buhttet hávil eanemusat golmma mánu dikšunáiggi veardásaš meari dálkasiid.

  • Badjel golmma mánu dálkkasmearri sáhttá buhttejuvvot dušše earenoamáš ákka geažil, ovdamearkka dihte guhkes olgoriikkain orodeami geažil.
  • Badjel golmma mánu geavahusa veardásaš dálkkasmeari goluid galgá vuohččan máksit ieš. Buhtadusa sáhttá ohcat maŋálgihtii Kelas.

Sáhtát oažžut Kelas buhtadusa iežat Suomas oastin dálkasiin, jos muhtin čuovvovaš eavttuin ollašuvvá

  • don leat oadjuduvvon buohcama várás Suomas
  • dus lea Suomas ruovttugielda
  • don leat oadjuduvvon buohcama várás nuppi EU- dehe Eeg-riikkas, Stuora-Británnias dehe Šveiccas dehe Austrálias ja don leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge
  • don leat bargamat vuođul oadjuduvvon buohcama várás Suomas dehe don leat dákkár olbmo bearašlahttu, gii orru nuppi EU- dehe Eeg-riikkas, Stuora-Británnias dehe Šveiccas
  • don orut ealáhatolmmožin nuppi EU- dehe Eeg-riikkas, Stuora-Británnias dehe Šveiccas ja Suomas lea ovddasvástádus du buohccedikšuma goluin
  • don leat ohcalan dikšumii Supmii ja dus lea iežat orrunriikka mieđihan ovdalohpi

Sáhtát ohcat buhtadusa dálkkasgoluide iežat buohcanoadjolágádusas, jos

  • don lea oadjuduvvon buohcama várás nuppi EU- dehe Eeg-riikkas dehe Šveiccas ja don leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge
  • don leat ohcalan Supmii dikšumii nuppi EU- dehe Eeg-riikkas dehe Šveiccas almmá ovdalobi haga
  • don leat oadjuduvvon buohcama várás muhtin eará báikkis go EU- dehe Eeg-riikkas dehe Šveiccas dehe Austrálias.

Dálkasiid njuolggobuhtadus

Dálkkasbuhtadus sáhttá dávjá máksojuvvot njuolggobuhtadussan apteaikkas. Buhtadus geahpiduvvo dalle dálkasa hattis. Sáhtát oažžut njuolggobuhtadusa dálkkasoastimis, jos

  • don leat oadjuduvvon buohcama várás Suomas
  • don orut ealáhatolmmožin nuppi EU- dehe Eeg-riikkas, Stuora-Británnias dehe Šveiccas ja Suomas lea ovddasvástádus du buohccedikšuma goluin
  • dus lea Kela mieđihan áššegirji Duođaštus vuoigatvuođas dikšunovdamuniide Suomas

Apteaika dárkkista du vuoigatvuođa njuolggobuhtadussii Kela njuolggobuhtadusdieđuid gažadanbálvalusas. Olmmoš, gii boahtá olgoriikkain, galgá dábálaččat máksit dálkasiid vuohččan ieš ja ohcat buhtadusa maŋálgihtii Kelas.

Sierrabuhtadusvuoigatvuohta ohccojuvvo doaktárcealkámušain

Sierrabuhtadusvuoigatvuohta sáhttá ohccojuvvot Kelas.

Sáhtát oažžut sierrabuhtadusvuoigatvuođa, jos don leat oadjuduvvon buohcama várás nuppi EU- dehe Eeg-riikkas, Stuora-Británnias dehe Šveiccas ja don orodat Suomas gaskaboddasaččat. Sierrabuhtadusvuoigatvuođa sáhttet oažžut maid olbmot, geat gullet Austrália dehe Quebeca sosiáladorvosoahpamuša ollái.