Mii lea EU-dearvvašvuođadikšun.fi?

EU-dearvvašvuođadikšun.fi-fierbmebálvalus fállá dieđu dearvvašvuohtabálvalusaid geavaheamis Suomas ja olgoriikkain. Siiddut leat dárkkuhuvvon buohkaide dearvvašvuohtabálvalusaid geavaheddjiide sihke eiseválddiide ja eará doibmiide.


Bálvalus lea ollašuhtton rájiid rasttildeaddji dearvvašvuohtafuolahusa kontáktačuoggá, sosiála- ja dearvvašvuohtaministeriija, Dearvvašvuođa ja buresbirgejumi lágádusa sihke Áel:a ovttasbargun, ja dan bajásdoallá rájiid rasttildeaddji dearvvašvuohtafuolahusa kontáktačuokkis. Kontáktačuokkis lea sajuštuvvon Áel:ii, ja dan bargu vuođđuduvvá EU:a direktiivii (2011/24) buhcciid vuoigatvuođaid heiveheamis rájiid rasttildeaddji dearvvašvuohtafuolahusas (nd. buohccedirektiiva).

Siidduid duogážis lea EU:a buohccedirektiiva, mii Suomas bođii vuoibmái 1.1.2014. Direktiiva addá EU-riikkavuložiidda vuoigatvuođa ohcalit geavahit nuppi lahtturiikka dearvvašvuohtabálvalusaid ja geatnegahttit lahtturiikkaid fállat fierpmis dieđu, mii laktása dearvvašvuohtabálvalusaid geavaheapmái.

Siiddut buvttaduvvojit ideanttalažžan suoma-, ruoŧa- ja eŋgelasgillii. Siiddut almmustuhttojuvvojit maid sámegillii earret riikkaid dearvvašvuohtabálvalusaid dieđut ja dearvvašvuohtafuolahusa bargiide dárkkuhuvvon siiddut.

EU-dearvvašvuođadikšun.fi-siidduid sisdoallu vuogáiduvvá sierra terminálarusttegiidda, nu ahte dan lea álki lohkat ovdamearkka dihte jierbmetelefovnnain dehe tableahtain. Siidduin fállojuvvo diehtu álkit anihahtti hámis maid lámes olbmuide.

Siidduid teknihkalaš ollašuhttima ja visuála hámi ovddasvástádus lea Hion Digital Oy:s.

Siidduid bajásdoallu

Rájiid rasttildeaddji dearvvašvuohtafuolahusa kontáktačuoggás lea ovddasvástádus siidduid sisdoalus ovttasráđiid eará eiseválddiiguin. Siidduid bajásdoalu ja gárgeheami ovddasvástádus lea rájiid rasttildeaddji dearvvašvuohtafuolahusa kontáktačuoggás. Sisdoallu viggojuvvo dollojuvvot nu áiggedási hámis go vejolaš ja meattáhusat viggojuvvojit divvojuvvot jođánit.

Kontáktačuoggás ii leat ovddasvástádus dieđu riektatvuođas, mii lea olgguldas liŋkkaid duogábealde.

Dahkkivuoigatvuođat ja liŋken

Fierbmesiidduid sisdollui sáhttá liŋket lupmosit ja luoikkahit deavstta. Jos luoikkahat deavstta, muitte namuhit gáldu. Rájiid rasttildeaddji dearvvašvuohtafuolahusa kontáktačuoggás leat vuoigatvuođat deavsttaide, govaide ja furkenbohtosiidda, mat siidduin almmustuhttojuvvojit.

Liŋkema várás lea oažžunsajis EU-dearvvašvuođadikšun.fi-logo suoma-, ruoŧa- ja eŋgelasgillii. Bivdit liŋket logos čujuhussii www.eu-dearvvasvuodadiksun.fi dehe siidduid sisdoallosiidduide.

Siidduin leat valjis olgguldas liŋkkat sierra eiseválddiid ja organisašuvnnaid siidduide. Liŋket vuosttaš sajis vuoittu háhpohalakeahtes organisašuvnnaid siidduide sihke eará eiseválddiid bajás doallan bálvalusaide. Liŋkemat dahkkojit vuosttaš sajis dakkár bálvalusaide, mat fállet dieđu sihke suoma-, ruoŧa- ja eŋgelasgillii.

Persovdnadieđuid gieđahallan

Bálvalusa geavaheddjiin eai čoggojuvvo persovdnadieđut. Máhcahagaid ja gažaldagaid gieđahallan gáibida geavaheaddji oktavuohtadieđuid, muhto dat eai furkejuvvo.

Lassidieđut

Lassidieđuid bajásdoalus addá rájiid rasttildeaddji dearvvašvuohtafuolahusa kontáktačuokkis yhteyspiste@kela.fi.