Loga dárkileappot diehtočoahkkogeavadiinnámet

Dát diehtočoahkkogeavadat gusket EU-dearvvašvuodadiksun.fi -siidduid.  EU- dearvvašvuodadiksun.fi leat Rájiid rasttildeaddji dearvvašvuohtafuolahusa bajásdoallan fierbmesiiddut, mii fállá dieđu dearvvašvuohtabálvalusaid geavaheamis Suomas ja olgoriikkain. Siidduin muitaluvvo ovdamearkka dihte buohcci rivttiin, dikšungoluin ja daid buhtadusain sihke dearvvašvuođa fuolahusas sierra riikkain.


Rájiid rasttildeaddji dearvvasvuohtafuolahusa kontáktačuokkis lea čatnasan suddjet fierbmesiidduidis geavaheddjiid priváhtavuođa.

Dáin diehtočoahkkogeavadiin govvidit, mot Rájiid rasttildeaddji dearvvašvuohtafuolahusa ja dan guoimmit geavahit EU-dearvvasvuodadiksun.fi -siidduin diehtočoahkut ja eará danveardásaš čuovvun- ja čuozihanteknologiijat (maŋŋel oktasaččat diehtočoahkut). Diehtočoahkuiguin čoggojuvvo diehtu das, mot ja goas siiddut adnojuvvojit. Dáid dieđuid mielde sáhttet buoriduvvot fierbmesiidduid anolašvuohta sihke čuozihuvvot márkanastindieđáhusat EU-dearvvasvuodadiksun.fi-siidduin galledan olbmuide.

Rájiid rasttildeaddji dearvvašvuohtafuolahusa kontáktačuokkis ii sáhte dovdát geavaheaddji iežas čoaggin dieđuin, daningo dat ii čoakke siidduin geavaheaddji nama, kontáktadieđuid dehe persovdnadovddaldaga. EU-dearvvasvuodadiksun.fi -siidduin čoggojuvvon diehtu ii ovttastahttojuvvo maiddage eará dieđuide.

Geavaheaddji sáhttá addit miehtama diehtočoahkuid atnui nd. diehtočoahkkobánnera bakte. Geavaheaddji sáhttá leat attekeahttá miehtama dehe goas beare šluhttet iežas addin miehtama.

  • Hábme diehtočoahkkoásahusaidat

Dáin diehtočoahkkogeavadiin vástiduvvo čuovvovaš gažaldagaide:

  1. Mat leat Rájiid rasttildeaddji dearvvašvuohtafuolahusa kontáktačuoggá kontáktadieđut?
  2. Mat diehtočoahkut leat ja maid dieđuid daiguin čoggojuvvojit?
  3. Man ulbmilii diehtočoahkut ja daid dieđut adnojuvvojit?
  4. Mii lea dieđuid seailluhanáigi?
  5. Mot diehtočoahkuide sáhttá váikkuhit?
  6. Mat dieđuid luobahuvvojit dehe sirdojuvvojit?
  7. Mot dieđut suddjejuvvojit?
  8. Mot diehtočoahkkogeavadiidda dahkkojuvvojit rievdadusat?

1. Kontáktadieđut

Rájiid rasttildeaddji dearvvašvuohtafuolahusa kontáktačuokkis, Álbmotealáhatlágádus (Kela), PL 80, 00380 HELSINKI, tel. 020 634 11, yhteyspiste(at)kela.fi.

EU-dearvvasvuodadiksun.fi -siiddut lea gárvvistuvvon ovttasráđiid sosiála- ja dearvvašvuohtaministeriijain, Dearvvašvuođa ja buresbirgejumi lágádusain ja Álbmotealáhuslágádusain. Rájiid rasttildeaddji dearvvašvuohtafuolahusa kontáktačuokkis lea biddjon Kelai. Seammalágán kontáktačuokkis lea juohke EU-riikkas.

2. Mat diehtočoahkut leat ja mat dieđuid daiguin čoggojuvvojit?

Dego máŋggain eará fierbmesiidduin, EU-dearvvasvuodadiksun.fi -siidduin adnojuvvojit diehtočoahkut ja eará danveardásaš čuovvun- ja čuozihanteknologiijaid. Diehtočoahkku lea unna deakstadieđáhusaš, mii furkejuvvo geavaheaddji neahttaloganii ja furke dieđu galledeamis EU-dearvvasvuodadiksun.fi -siidduin.

EU-dearvvasvuodadiksun.fi- siidduin leat anus vuosttaš oassebeali ja goalmmát oassebeali diehtočoahkut. Nd. vuosttaš oassebeali diehtočoahkuid leat ásahan čujuhusbielkkas oidnojeaddji siiddut. Dáid lassin  EU-dearvvasvuodadiksun.fi -siidduin adnojuvvojit nd. goalmmát oassebeliid, dego máinnusteknologiijadoibmiid ja sosiálalaš media bálvalusaid diehtočoahkut.

EU-dearvvasvuodadiksun.fi -siidduid diehtočoahkuiguin čoggojuvvo diehtu ovdamearkka dihte das,

  • man olu siidduin leat geavaheaddjit
  • maiguin terminálaiguin, ovdamearkka dihte telefovnnain dehe dihtoriin, fierbmesiidu lea geavahuvvon
  • man fierbmečujuhusas fierbmesiidduid geavaheaddjit leat boahtán siidduide
  • man ovttaskas siidduin geavaheaddjit leat galledan.

Diehtočoahkut ja siidduid serverat furkejit automáhtalaččat siidduin gallededdjiid dahkan siidobivdagiid. Dieđut dollet sisttisteaset dábálaččat geavaheaddji dahkan fierbmebivdaga, bivdaga beaivemeari ja áiggi, geavaheaddji terminála IP-čujuhusa sihke neahttalogana tiippa ja giela.

Dieđut leat dakkár hámis, ahte dat eai sáhte ovttastahttojuvvot ovttaskas geavaheaddjái almmá lassidieđuid haga. Diehtočoahkuiguin ii furkejuvvo ovdamearkka dihte geavaheaddji namma dehe šleađgaboastačujuhus. Rájiid rasttildeaddji dearvvašvuohtafuolahusa kontáktačuokkis ii sáhte ovttastahttit diehtočoahkuiguin čoggojuvvon dieđuid dihto olbmui.

3. Man ulbmilii diehtočoahkut ja daid dieđut adnojuvvojit?

EU-dearvvasvuodadiksun.fi-siidduin leat anus čuovvovaštiipasaš diehtočoahkut:

Vealtameahttun diehtočoahkut (álohii nalde)

  • Dáiguin diehtočoahkuiguin sihkkarastit, ahte fierbmebálvalussamet doaibmá rievttes ládje. Ovdamearkka dihte Polylang-diehtočoahkku dahká vejolažžan sierra giellaveršuvnnaid anu siidduin. Dáid diehtočoahkuid anu sáhtát eastadit duššefal iežat neahttalogana ásahusain.

Funktionálalaš diehtočoahkut

  • Funktionálalaš diehtočoahkut veahkehit fierbmesiidduideamet čađahit dihto doaimmaid, dego sisdoalu juohkima siidduid ja sosiálalaš media vuolážiid gaskkas sihke eará goalmmát oassebeliid iešvuođaid. Funktionálalaš diehtočoahkut leat fierbmesiidduid doaibmivuođa ja gárggiideami dáfus anolaččat.

Geavaheaddjimihtidan- ja analytihkkadiehtočoahkut

  • Fierbmeanalytihkkareaidu (Piwik Pro) geavaha diehtočoahkuid statistihkkadieđuid čoaggimis. Dieđut čoggojuvvojit, vai sáhttet analyserejuvvot galledeaddjimearit, sisdoalu beroštahttivuohta ja bálvalusa geavahanvuogit sihke gárgehuvvot fierbmesiiddut.

Čuozihuvvon kommunikašuvnna ja márkanastima diehtočoahkut

  • Diehtočoahkuiguin Rájiid rasttildeaddji dearvvašvuohtafuolahusa kontáktačuokkis sáhttá čuozihit márkanastinkommunikašuvnna EU-dearvvasvuodadiksun.fi -siidduin mannan gallededdjiide. Rájiid rasttildeaddji dearvvašvuohtafuolahusa kontáktačuoggá guimmiid čuoziheamis leat Facebook, Twitter, Google ja MediaMath.
  • Loga lasi Man dihte kontáktačuokkis reklamere fierpmis?.

Goalmmát oassebeliid diehtočoahkkodieđuid gieđahallama gusket goalmmát oassebeliid eavttut, maidda geavaheaddji sáhttá oahpásnuvvat vulobealde:

Piwik Pro

Google Tag Manager (GTM)

Google

MediaMath

Facebook

  • Diehtočoahku geavahanulbmil: Márkanastinkommunikašuvnna čuoziheapmi, čađaheapmi ja analyseren gallededdjiid vuorddehahttivuođa dihte beroštahtti márkanastinkommunikašuvnna čájeheami várás.
  • Lassidieđut: Facebook sáhttá ovttastahttit EU-dearvvasvuodadiksun.fi-galledeami diehtočoahkkodovddaldaga Facebook-geavaheaddjái, juos sus lea Facebook-kontu. Dás oaččut lasi dieđuid das, mot Facebook geavaha diehtočoahkuid. (eŋgelasgillii)

Twitter

Du Eurohpa-portálaid sisdoaluid statistihkkačuovvun

EU-dearvvasvuodadiksun.fi -siiddut leat EU-kommišuvnna Du Eurohpa -portála oassi.  Du Eurohpa -portála fállá EU-riikkaid riikkavuložiidda ja fitnodagaide álkes beassama EU-lahttoriikkaid dieđuide, meannudemiide sihke neavvun- ja čuolbmačoavdinbálvalusaide.

Du Eurohpa -portála liŋkejuvvon siidduin čoggojuvvojit galledeaddjidieđut Matomo -analytihkkareaidduin. Siidduin čoggojuvvon dieđut siiddu URL-čujuhusa lassin leat gallededdjiid mearri, gallededdjiid riika sihke geavahuvvon terminála. Dieđut čoggojuvvojit anonyman eaige dat spesifiserejuvvo olbmuide.

Galledeaddjidieđuid čoaggin lea oassi digitálalaš bálvalanjohtolaga guoskevaš EU-ásahusa (EU) 2018/1724 ollahuhttima čuovvuma oassi. Dieđut leat dušše Rájiid rasttildeaddji dearvvašvuohtafuolahusa kontáktačuoggá, EU-kommišuvnna ja ásahusas namuhuvvon álbmotlaš koordináhtoriid anus. Čoggojuvvon dieđut seailluhuvvojit EU-kommišuvnna diehtofuorkkás eanemusat golmma jagi áigge, man maŋŋel dat jávkaduvvojit automáhtalaččat.

4. Mii lea dieđuid seailluhanáigi?

Diehtočoahkut leat vuoimmis dihto čoakkáma áigge, dassážii go geavaheaddji gidde neahttalogana, dehe dat leat nd. bissovaš diehtočoahkut, mat leat vuoimmis muhtin mánu rájes gitta soames jagiid rádjái. Geavaheaddji sáhttá váikkuhit diehtočoahkuiguin čoggojuvvon dieđuid seailluhanáigái go gurre diehtočoahkuid neahttalogana ásahusaiguin, goas ovddit diehtočoahkkoprofiila máhccá nollastellelmassii..

Diehtočoahkuiguin čoggojuvvon dieđuid mihtilmas seailluhanáiggit leat čuovvovaččat:

  • Funktionálalaš diehtočoahkut: Funktionálalaš diehtočoahkuid sihkkojuvvojit dábálaččat go čoakkán nohká dehe dat seailluhuvvojit eanemusat mánu.
  • Galledeaddjimihtidan- ja analytihkkadiehtočoahkut: diehtu, mii čoggo Google Analyticsii, seailluhuvvo mihtilmasat 26 mánu.
  • Kommunikašuvnna čuoziheapmi: Márkanastinkommunikašuvnna čuoziheapmái čoggojuvvon diehtu gieđahallojuvvo mihtilmasat muhtin mánuid. Ovdamearkka dihte Mediamath sihkku dieđuid maŋemusat 13 siste daid čoaggimis.

5. Mot diehtočoahkuide sáhttá váikkuhit?

Siidduid geavaheaddjis bivdojuvvo miehtan diehtočoahkuide diehtočoahkkobánneriin, go son galleda vuosttaš háve EU-dearvvasvuodadiksun.fi -siidduin. Go vállje ‘Dohkket visot diehtočoahkuid’, de geavaheaddji addá lobi diehtočoahkuid ásaheapmái ja daiguin čoggojuvvon dieđuid gieđahallamii. Go deaddá ‘Vállje dohkálaččaid’, de geavaheaddji sáhttá válljet maid diehtočoahkuid dohkkeha. Geavaheaddji sáhttá iežas hálu mielde orrut attekeahttá miehtama, máhcahit iežas addin miehtama dehe rievdadit diehtočoahkkoásahusaid go deaddá diehtočoahkkobánnera  ‘Diehtočoahkkobánnerat’-boalu.

Juos geavaheaddji háliida dahkat válljemiid guoibmeguovdasaččat, geavaheaddji sáhttá eastit ja váikkuhit diehtočoahkuide galledettiin guimmiideamet siidduin:

Geavaheaddji sáhttá maid eastit diehtočoahkuid anu dehe sihkkut diehtočoahkuid fierbmeneahttalogana ásahusain. Diehtočoahkuid anu eastin dehe diehtočoahkuid sihkkun sáhttá váikkuhit siidduin ovdal dahkkojuvvon válljemiidda, ovdamearkka dihte guoimmi siidduin ásahuvvon márkanastinkommunikašuvnna čuoziheami gieldodiehtočoahku. Válljemat leat neahttaloganguovdasaččat, dehege geavaheaddji galgá dahkat iežas háliidan válljemiid juohke neahttaloganin sierra.

Diehtočoahkuid sáhttá váldit atnui goas beare. Diehtočoahkuid sihkkun ii váttásnuhte EU-dearvvasvuodadiksun.fi -siidduid anu.

Lassidiehtu diehtočoahkuid geavaheamis fierbmebálvalusain Suomas oaččut ovdamearkka dihte Traficomi fierbmesiidduin.

6. Gosa dieđut luobahuvvojit dehe sirdojuvvojit?

Rájiid rasttildeaddji dearvvašvuohtabálvalusa kontáktačuokkis geavaha márkanastinkommunikašuvnna čuoziheamis luohtehahtti guimmiid ja dahká vejolažžan dan, ahte dát guoimmit sáhttet čoaggit EU-dearvvasvuodadiksun.fi -siidduin dieđu diehtočoahkuid ja eará dávisteaddji teknihkaiguin márkanastinkommunikašuvnna čuoziheamis. Dán oktavuođas dieđut sáhttet sirdásit EU- dehe Eeg-guovllu olggobeallái. Guimmiid ollašuhttin gieđahallamis oažžu lassidieđuid dán čilgehusa čuoggás 3.

Rájiid rasttildeaddji dearvvašvuohtafuolahusa kontáktačuoggá geavahan bálvalusfáladeddjiin (dego mediadoaimmahagas) sáhttá leat beassan EU-dearvvasvuodadiksun.fi -siiddu geavahusa olis čoggon dieđuide. Bálvalusfáladeaddjit  ožžot geavahit dáid dieđuid dušše kontáktačuoggá dárbbuide.

Rájiid rasttildeaddji dearvvašvuohtafuolahusa kontáktačuokkis lea váldán diehtodorvoáššit vuhtii guoibmevuohtasoahpamušain ja viggá dađi lági mielde sihkkarastit, ahte guoimmit ja bálvalusfáladeaddjit gieđahallet dieđuid goage gustojeaddji láhkaásaheami mielde.

7. Mot dieđut suddjejuvvojit?

Rájiid rasttildeaddji dearvvašvuohtafuolahusa kontáktačuoggás diehtodorvu váldojuvvo vuhtii plána mielde buot dieđu geavahusas ja gieđahallamis. Diehtodorvvolašvuohta ja dieđuid anolašvuohta sihkkarastojuvvo vuogálaš teknihkalaš ja hálddahuslaš doaibmabijuiguin. Rájiid rasttildeaddji  dearvvašvuohtafuolahusa kontáktačuokkis gieđahallá buot dieđuid diehtodorvvolaččat ja láhkaásaheami gáibidan vugiid mielde.

Diehtočoahkuid čoaggin dieđuid gieđahallet maid rájiid rasttildeaddji dearvvašvuohtafuolahusa olggobeale guoimmit sierra soahpamušaid mielde. Rájiid rasttildeaddji dearvvašvuohtafuolahusa kontáktačuokkis lea váldán vuhtii diehtodorvoáššit guoibmevuohtasoahpamušain ja viggá dađi lági mielde sihkkarastit, ahte diehtodorvvus adnojuvvo ávvir diehtosuodjelága gáibidan vugiid mielde.

8. Mot diehtočoahkkogeavadiidda dahkkojuvvojit rievdadusat?

Rájiid rasttildeaddji dearvvašvuohtafuolahusa kontáktačuoggás sáhttá dahkat gaskkohagaid nuppástusaid dáidda diehtočoahkkogeavadiidda, juos dat sáhttá ákkastallojuvvot ovdamearkka dihte go gieđahallama ulbmilat earáhuvvet dehe go eiseváldeávžžuhusat dehe láhkaásaheapmi earáhuvvet. Nuppástusain dieđihuvvo EU-dearvvasvuodadiksun.fi -siidduin.

Dát diehtočoahkkogeavadat almmustuhttojuvvoje njukčamánus 2022, go EU-dearvvasvuodadiksun.fi -siidduin váldojuvvoje atnui diehtočoahkkobánner geavaheaddji diehtočoahkkomiehtamiid hálddaheami várás. Dieđut leat beaiváduvvon guovvamánus 2023.