Vuosttašdikšumiin dárkkuhuvvo dikšun, mii addojuvvo fáhkkestaga buohccán dehe lápmahuvvan buohccái hohpolažžan ja dárbbu mielde buohcci fievrrideapmi joatkkadikšumii. Vuosttašdikšuma bargit álggahit dárbbu mielde dikšuma juo doppe, gos buohcci lea buohccán dehe lápmahuvvan.

Ambulánsa diŋgojuvvo oba riikkas heahtenummáris 112. Heahteguovddáš vástida nummárii ja dárbbu mielde sádde ambulánssa báikki nala.

Buresbirgenguovllut sáhttet buvttadit vuosttašveahkkedoaimma ieža dehe nuppiin buresbirgenguovlluin. Dihto osiid mielde buresbirgenguovlu sáhttá oastit vuosttašveahkkedikšuma maid priváhta bálvalanbuvttadeaddjis. Priváhta bálvalanbuvttadeaddjis galgá leat guovlohálddahusa virgedoaimmahaga dehe Sosiála- ja dearvvašvuohtasuorggi lohpe- ja gozihanvirgedoaimmahaga (Valvira) mieđihan lohpi doaibmasis.

Doavtterhelikopterdoaibma

Doavtterhelikopterdoaibma gullá Suomas vuosttašveahki ollisvuođa oassái. Girdindoaimma ja doarjjabáikkiid ovddasvástádus gullá FinnHEMS Oy:i, man eaiggáduššá stáhta ja ii háhpohala vuoittu. Universiteahtalaš buohcceviesu bajásdollet buresbirgenguovllut ja HUS-ovttastumis lea ovddasvástádus bargoveagas, biergasiin ja dálkasiin. Doavtterhelikopterat opererejit Vantaas, Turkus, Oulus, Tamperes, Kuopios, Roavenjárggas ja Seinäjokis.

Kela buhtte buohccái dikšuma mátkegoluid maŋálgihtii

Kela buhtte buohccái ollašuvvan dikšuma mátkegoluid maŋálgihtii. Buhtadus máksojuvvo dábálaččat lagamus dearvvašvuohtaguovddážii dehe universiteahttabuohccevissui hálbbimus mátkkoštanvuogi mielde.

Mátkebuhtadusa sáhttá dábálaččat oažžut njuolggobuhtadussan ambulánssas dehe dákses.