Suoma virggálaš gielat leat suoma- ja ruoŧagiella ja dearvvašvuohtafuolahusa bálvalusat addojuvvojit dábálaččat dáiguin gielaiguin. Dearvvašvuohtafuolahusa ámmátolbmot máhttet goitge dábálaččat maid eŋgelasgiela.

Eanodagas, Anáris, Soađegilis ja Ohcejogas almmolaš dearvvašvuohtafuolahusa bálvalusat addojuvvojit maid sámegillii.

Dearvvašvuohtafuolahusa ámmátolbmot galget atnit ávvira das, ahte buohcci ipmirda áššiid, mat gusket su dikšuma

Dearvvašvuohtafuolahusa ámmátolbmot leat geatnegahtton addit buohccái čilgehusa su dearvvašvuohtadilis, dikšuma mearkkašumis, sierra dikšunmolssaeavttuin ja eará áššiin, mat laktásit su dikšumii. Jos buohccis ja dikšunbargiin ii leat oktasaš giella, de ordnejuvvo dulkon.

Jos dikšunbargit gehččet, ahte dulkon lea dárbbašlaš buohcci dikšuma addimii, nu dulkongolut eai berrojuvvo buohccis sierra. Jorgalangolut leat buohcci ovddasvástádussan.