Ná gávnnat dearvvašvuohtabálvalusa Suomas
Suomas dearvvašvuohtabálvalusaid buvttadit sihke almmolaš ja priváhta bálvalusbuvttadeaddjit. Almmolaš dearvvašvuohtafuolahusa bálvalusaid ordnema ovddasvástádus lea gielddain ja gieldaovttastumiin. Suomas leat maid olu priváhta bálvalusaid buvttadeaddji fitnodagat, iehčanas ámmátbargit ja organisašuvnnat.
Oahpásnuva dárkileappot Suoma dearvvašvuohtafuolahussii dáppe. Dan oasis gávnnat maid dieđu dikšuma oažžašuvvamis, šlájas dehege kvaliteahtas, buohccedorvvolašvuođas ja áššiid dikšuma easttahisvuođas.
- Buohccedikšunbiirriid, gohcci buohcceviesuid, riegádahttinbuohcceviesuid ja hárvenaš buozalmasaid ovttadagaid kontáktadieđut gávdnojit dáppe.
- Almmolaš vuođđodearvvašvuohtafuolahusa bálvalusain gávnnát dieđu maid gielddaid iežaset ruovttusiidduin, ovdamearkka dihte www.hel.fi (suomagillii) (Helsset) dehe www.turku.fi (suomagillii) (Turku). Almmolaš vuođđodearvvašvuohtafuolahusa bátnedoavtterbálvalusat gáávdnojit maid gielddaid iežaset siidduin.
- Suomi.fi-fierbmebálvalusas (suomagillii) sáhttá ohcat bálvalusbuvttadeddjiid. Siidduin lea maid diehtu bálvalusaid easttahisvuođas.
- Priváhta bálvalusfálliid sáhtát ohcat ohcanmášiinnain, dego Googles. Čále ohcansátnin doavtterbálvalus, man ozat ja gávpoga nama, gos hálidivččet oažžut dikšuma. Priváhta bálvalanfállit eai leat Suomas čohkkejuvvon ovtta báikái.
- Lassidieđuid oaččut maid Suoma Rájiid rasttildeaddji dearvvašvuohtafuolahusa kontáktačuoggás šleađgaboasttain (yhteyspiste(at)kela.fi).