Dálkasat mielde guhkit olgoriikkamátkái: maid galgá váldit vuhtii?

17.11.2026

Leatgo vuolgime guhkit olgoriikkamátkái? Čohkkiimet oktii deháleamos dieđuid dálkasiid mielde váldimis mátkái.


Guhkit olgoriikkamátkái vuolggedettiin sáhttet badjánit gažaldagat ovdamearkka dihte dálkasiid fievrrideamis dehe das, doibmetgo suopmelaš reseapttat čuozáhatriikkas. Dán artihkkalis oaččut oppalašgova das, maid gánnáha váldit vuhtii dálkasiid mielde váldimis.

Riikaguovdasaš ráddjehusat dálkasiid fievrrideamis

Ovdal mátkki lea dehálaš čielggadit čuozáhatriikka njuolggadusaid dálkasiid riikiibuktimis, daningo geavadat molsašuddet riikkaid mielde. Maiddái vejolaš čađajohtinriikkaid mearrádusaid gánnáha dárkkistit ovddalgihtii.

Muhtin dáhpáhusain čuozáhatriika sáhttá gáibidit ovdamearkka dihte buktinlobi dehe eiseválddi mieđihan duođaštusa. Dieđu dálkasiid buktima ráddjehusain sáhtát bivdit čuozáhatriikka duolloeiseválddiin.

Sáhtát jearrat áššis maid čuozáhatriikka rájiid rasttildeaddji dearvvašvuohtafuolahusa kontáktačuoggás dehe Suoma ambassádas.

Suopmelaš reseapttaid doaibman eará EU-riikkain

EU-guovllus doaktára čállin reseapta lea vuolggasaji mielde gustojeaddji visot EU-riikkain. Gánnáha goitge váldit vuhtii, ahte dálkasiid oažžun ja buktagat sáhttet molsašuddat riikkaid mielde. Seamma dálkkas ii vealttakeahttá leat oažžunsajis visot EU-riikkain, vaikko reseapta livččii gustojeaddji. Dán dihte reseapta galggalii čállojuvvot váikkuheaddji ávdnasa namain.  

Reseaptadálkasiid oastimii olgoriikkain laktásit maid ráddjehusat. Don it sáhte oastit ovdamearkka dihte gárehuhttinávnnasin juogustuvvon dehe dihto dálkasiid, mat váikkuhit guovddášnearvavuogádahkii. Gávnnat logahallama visot ráddjehusain Kanta.fi-siidduin (suomagillii).

Siidduideamet Dálkasat-oassái lea čohkkejuvvon diehtu dálkasiid oastimis olgoriikkain sihke daid doalvumis olgoriikkaide.  

Oahpásnuva maid dáidda fáttáide: