Kanta.fi: Don sáhtát dál háhkat dálkasiid suopmelaš elektrovnnalaš reseapttain Espánnjas

Suopmelaš šleađgareseapttain sáhttá dál oastit dálkasiid measta buot Espánnja apteaikkain (sanidad.gob.es, espánnjagillii).

Oalil maid espánnjalaš elektrovnnalaš reseapttain sáhttá dál oastit dálkasiid Suomas.

Espánnja lassin suopmelaš reseapttain sáhttá oastit dálkasiid Estteeatnamis, Portugalas, Kroatias ja Polskkas.

Muitinlistu reseaptadálkasa oastimii suopmelaš elektrovnnalaš reseapttain

Fuomáš čuovvovaš áššiid ovdal apteikii mannama olgoriikkain

• Váldde fárrosat apteikii pássa dehe govalaš persovdnagoartta.
• Dárkkis kanta.fi:s, sáhttágo olgoriikkain oastit dálkasa, man don háliidat.
• Suopmelaš elektrovnnalaš reseaptta atnu Eurohpas viidu vehážiid mielde, nu ahte sihkkarastte ovdal mátkki leago bálvalus anus mátkečuozáhagastat.
• Don sáhtát oastit dálkasiid dušše iežat reseapttain. Nuppi rávesolbmo ovddas áššiid dikšun ii leat vejolaš.
• Don sáhtát ohcat Kela-buhtadusaid iežat olgoriikkain dahkan dálkkasostosiin elektrovnnalaččat OmaKelas (kela.fi) mátkki maŋŋel.

Eurohpalaš elektrovnnalaš reseapta álkidahttá mátkkošteaddji dálkkasdikšuma

Eurohpalaš elektrovnnalaš reseaptta ulbmilin lea sihkkarastit Eurohpas johtti olbmuid dikšuma joatkahuvvama ja dorvvolaš dálkkasdikšuma. Juos olmmoš dárbbaša dálkasiid orodettiinis nuppi Eurohpa riikkas, son sáhttá oastit daid guoskevaš riikka apteaikkas.

Oktasaš elektrovnnalaš bálvalusaid bakte reseaptadieđut johtet luohttevaččat ja áhpasit. Elektrovnnalaš eurohpalaš reseapta doarju maid geavaheaddji ollislaš dálkkodeami vai dat lea su iežas gieđain.

Lassidieđut

Kanta-bálvalusaid áššehasbálvalus: asiakaspalvelu@kanta.fi

Ođas beaiváduvvon 31.8.2023: Lasihuvvon diehtu, ahte suopmelaš šleađgareseapttain sáhttá dál oastit dálkasiid measta buot Espánnja apteaikkain. Sihkkojuvvon ingreassas čála ‘Vuohččan reseapta heive Espánnjas gávcci guovllus’ sihke deavsttas logahallan Espánnja guovlluin.