Man dihte kontáktačuokkis reklamere fierpmis?

Rájiid rasttildeaddji dearvvašvuohtafuolahusa kontáktačuoggá lágas geatnegahtton bargu lea juohkit dieđu dearvvašvuohtafuolahusas riikkaidgaskasaš diliin. Mii neavvut ovdamearkka dihte buohcci vuoigatvuođaid, dikšuma várás ohcaleami ja olgoriikkaide fárrema dearvvašvuođa áššiin. Atnit ávkin máksojuvvon rekláma dán bargomet ollašuhttimis.

Reklamerema mielde johtolat siidduide

Koronapandemiija mielde dearvvašvuohta dikšumii beassan leat čuožžilan ovdalačča stuorit rollii rájiid rasttildeaddji diliin. Kontáktačuoggá márkanastima guovddášulbmil lea oahpistit olbmuid luohtehahtti dieđu ollái. Eu-dearvvašvuođadiksun.fi-siidduide leat čohkkejuvvon olu áigeguovdilis diehtu dearvvašvuođa bálvalusaid geavaheamis Suomas ja olgoriikkain. Reklamerema ánssus lohkkit leat gávdnan ovdalačča buorebut min siidduidasamet.

Dávjá riikkaidgaskasaš dearvvašvuohtafuolahusa áššit beroštišgohtet dan muttus, go dilli lea juo sadjagasas ovdamearkka dihte luopmomátkkis geavvan buohccáma dihte. Mii háliidit reklameremiin lasihit olbmuid diđolašvuođa kontáktačuoggá ja fierbmebálvalussamet leahkimis, vai sii máhttet dárbbu mielde ohcat dieđu rivttes báikkis. Siidduideamet lassin addit áššehasaide bienahis neavvuma šleađgaboastta bakte.

Mot reklameret fierpmis?

Mii leat ordnen ovdal virtuála reklámakampánnjaid, maiguin leat oahpistan olbmuid siidduidasamet. Aiddo dál ollašuhttit digimárkanastima guovtti vuogi mielde: reklameret Facebookas sihke Google ohcansátnereklamerema bakte.

Google ohcansátnereklamerema bakte ulbmileamet lea oahpistit áššehasaid siidduidasamet dan dilis, go sii ohcet dieđu dain áššiin, mat fierbmebálvalusasteamet gieđahallojuvvojit. Facebook-reklameren bealistis veahkeha dábuhit olbmuid, geat leat beroštuvvan ovdamearkka dihte dearvvašvuođa gažaldagain. Máksojuvvon reklamerema olis joatkit beaivválaš gaskkusteami sosiála medias. Kontáktačuoggá kanálat Facebookas ja Twitteris gánnáhanai bidjat čuovvumii.

Márkanastin maid fierbmemáilmmi olggobealde

Mii eat reklamere kontáktačuoggá duššefal fierpmis. Earenoamážit dáhpáhusaide oassálastin lea kontáktačuoggá márkanastima dehálaš oassi, vaikko dat leanai koronapandemiija dihte leamaš unnit maŋemus jagi áigge. Dáhpáhusain beassat ságastallat njunnálagaid olbmuiguin ja vástádallat sin suokkardahttin gažaldagaide. Dasa lassin almmustuhttit kontáktačuoggá ilmmuhusaid áigečállagiin ja ámmátbláđiin ja mannat earret eará ovttasbargoguimmiideamet dáhpáhusain hupmame riikkaidgaskasaš dearvvašvuohtafuolahusas.