Buhtadusa oažžun gáibida dábálaččat, ahte danveardásaš dikšun livččii Suomas addojuvvon almmolaš dearvvašvuohtafuolahusas. Buhtadusavuloš dikšun galgá gullat Suoma dearvvašvuohtafuolahusa bálvalanválljašupmái. Bálvalanválljašumi meroštallá dearvvašvuohtafuolahusa bálvalanválljašupmeráđđi, mii doaibmá sosiála- ja dearvvašvuohtaministeriija oktavuođas.

Kela buhtte maid gáiddosbálvalussan addojuvvon dikšuma. Gáiddosbálvalusain dárkkuhuvvojit buohccedikšuma bálvalusat, mat addojuvvojit olgoriikkain videooktavuođa bakte.

EU- dehe Eeg-riikkas, Sveiccas, Stuora-Británnias dehe Davvi-Irlánddas šaddan gollu

Jos mátkkoštat nuppi EU- dehe Eeg-riikii, Sveicii, Stuora-Británniai dehe Davvi-Irlándii dearvvašvuohtabálvalusaid geavaheami várás, gažaldat lea dikšumii ohcaleamis olgoriikkaide. Kela  buhtte goluid eanemusat dan meare, maid danveardásaš dikšun livččii máksán Suomas iežat buresbirgenguovllus. Mávssát álohii ieš áššehasmávssu, man Suoma almmolaš dearvvašvuohtafuolahus livččii bearran dikšumisttát.

Sáhtát jearrat ovddalgihtii Kelas, makkár buhtadusaid sáhtát oažžut dikšumis. Oza ovdailmmuhusa áiggebále ovdal go ohcalat dikšuma várás. Ohcamuša várás dárbbašat olgoriikkain dikšunaddi doaktára čilgehusa addojuvvon dikšumis, árvvoštallama dikšungoluin ja sáddenbáhpira, juos dakkár gáibiduvvolii danveardásaš dikšuma várás Suomas. Kela buhtte dikšungoluid ovdailmmuhusas muitaluvvon vuogi mielde, juos dikšun lea ollahuvvan du addin dieđuid mielde.

Jos don leat ožžon olgoriikkain addojuvvon dikšuma várás Kelas EU-ásahusa mieldásaš ovdalobi, mávssát dikšumis dušše dikšunaddi riikka áššehasmávssu. Kela bearrá rehkegiin dikšuma eará goluid buresbirgenguovllustat.  Jos šaddat máksit buot goluid ieš, de sáhtát ohcat buhtadusa Kelas.

Juos orodat nuppi EU- dehe Eeg-riikkas, Sveiccas, Stuora-Británnias dehe Davvi-Irlánddas gaskaboddasaččat ja dárbbahat dálkkasdieđalaččat vealtameahttun dikšuma, oaččut dikšuma eurohpalaš buohccedikšungoarttain.  Mávssát dikšumis seamma áššehasmávssu go báikkálaš orrut danveardásaš dikšuma dilis. Áššehasmáksu ii buhttejuvvo. Jos mávssát buot dikšungoluid ieš, nu sáhtát ohcat buhtadusa dikšuma addán riikka buohcanoadjolágádusas dehe Kelas.

  • Jos ozat buhtadusaid dikšuma addán riikka buohcanoadjolágádusas, oaččut buhtadusaid čuozáhatriikka láhkaásaheami mielde.
  • Jos ožžot dikšuma nuppi Davviriikkas, Kela máksá buhtadusaid maŋálgihtii álohii dikšuma addán riikka láhkaásaheami mielde.
  • Juos ozat Kelas buhtadusaid  nubbi EU- dehe Eeg-riikkas, Sveiccas, Stuora-Británnias dehe Davvi-Irlánddas šaddan buhtadusain, sáhtát válljet buhtadusa juogo dikšun addin riikka dehe Suoma láhkaásahusa mielde.

Juos orut nuppi EU- dehe Eeg-riikkas, Sveiccas,  Stuora-Británnias dehe Davvi-Irlánddas ja Suomas lea ovddasvástádus dikšungoluinat, mávssat dikšumis ieš seamma áššehasmávssu go báikkálaš orrut. Dikšuma oažžun seamma áššehasmávssuin báikkálaš olbmuiguin gáibida, ahte registreret iežat orrunriikkat buohcanoadjolágádusas.

  • Jos mávssát dikšungoluid orrunriikkastat, oza buhtadusaid báikkálaš buohcanoadjolágádusas.
  • Jos mávssát dikšungoluid eará báikkis go orrunriikkastat, oza buhtadusaid Kelas.

Eará sajes go EU- dehe Eeg-riikkas, Sveiccas, Stuora-Británnias dehe Davvi-Irlánddas šaddan gollu

Juos don leat dárbbahan dikšuma eará sajes EU- dehe Eeg-riikkas, Sveiccas, Stuora-Británnias dehe Davvi-Irlánddas, govččat ieš iežat dikšuma goluid. Juos dus lea mátkedáhkádus, sáhtát jearrat buhtadusaid iežat dáhkádusfitnodagas.