MUITALUS: Loga mot dikšunvuoigatvuođat ollašuvvet geavadis

Dikšuma várás ohcaleapmi ovdalobiin

Leena jumešáhpehisvuođa dikšun Duiskkas

Leena lea jumešmánáid vuostá ja su áhpehisvuohta gáibida dikšuma, man Suomas ii oaččo. Su doavttir Davvebađaeatnama buohccedikšunbiirres lea čielggadan, ahte namuhuvvon dikšun addojuvvo buohcceviesus, mii lea Hamburgas.

Leena ohcá Áel:s ovdalobi dikšuma várás, mii addojuvvo Duiskkas, ja laktá mielde iežas doaktáris oažžun almmolaš dearvvašvuohtafuolahusa cealkámuša. Áel mieđiha ovdalobi, daningo almmolaš dearvvašvuohtafuolahus lea bealuštan dan. Leena oažžu Áel:s skovi 52, man son galgá addit dikšunaddái Hamburgas.

Leena mátkkošta Hamburgii ja oažžu iežas dárbbašan dikšuma. Son máksá dikšumis báikkálaš áššehasmávssu veardde. Loahppagoluid Duiskka dearvvašvuohtafuolahussii máksá Áel, mii bearrá rehkegiin daid viidáseappot Davvebađaeatnama buohccedikšunbiirres.

Dikšuma oažžuma maŋŋel Leena ohcá Áel:s vel buhtadusaid mátkki áigge šaddan mátke-, dálkkas- ja orodangoluin, maid son lea vuohččan máksán ieš. Leena ohcá buhtadusaid guđa mánu siste skoviin SV128.


Leena dikšunvuoigatvuođaid ákkat

Leena sáhttá ohcat Áel:s ovdalobi dikšuma várás, mii addojuvvo nuppi EU- ja Eeg-riikkas dehe Šveiccas. Ovdalohpi lea máksinčatnaseapmi, man vuođul Leena ruovttugielda gokčá olgoriikkain addojuvvon dikšuma goluin.

Áel dárbbaša ovdalohpemearrádusa várás álohii cealkámuša almmolaš buohccedikšunfuolahusas, mas lea ovddasvástádus buohcci dikšumis. Áel galgá mieđihit ovdalobi, jos cealkámuš bealušta dan. Ovdalobi oažžuma eaktun leat, ahte Leena dikšundárbu lea ákkastallon dálkkasdieđalaččat ja ahte sus livččii Suomas vuoigatvuohta almmolaš dearvvašvuohtafuolahusas namuhuvvon dikšuma várás, muhto almmolaš dearvvašvuohtafuolahus ii sáhte ordnet dikšuma dálkkasdieđalaččat ákkastallon áiggi siste. Almmolaš dearvvašvuohtafuolahus sáhttá árvvoštallat lobi mieđiheami maiddái eará diliin, dego gielalaš ákkaid geažil.

Leena oaččui iežas dáhpáhusas ovdalobi bealuštancealkámuša iežas buohccedikšunbiirres ja lavttii dan ohcamuššásis. Daningo Áel lea mieđihan Leenai ovdalobi dikšuma várás, nu son sáhttá oažžut maŋálgihtii Áel:s buhtadusaid maiddái mátkkiid, dálkasiid, mieđušteaddji ja orodeami goluide. Áel buhtte ovdalobiin ožžojun dikšuma mátkkiid dikšunbáikki rádjái.

Loga lasi