Mátkkit, mat laktásit olgoriikkain addojuvvon dikšumii

Kela buhtte mátkegoluid, mat laktásit dikšumii, jos don leat ožžon dikšuma nuppi EU- dehe Eeg-riikkas, Stuora-Británnias dehe Šveiccas. Eará báikkis go EU- dehe Eeg-riikkas dehe Šveiccas šaddan mátkegolut eai buhttejuvvo.


Sáhtát oažžut buhtadusa mátkegoluin, jos

  • dat leat šaddan EU- dehe Eeg-riikkas, Stuora-Británnias dehe Šveiccas addojuvvon buohccedikšumis dehe mátkkiin, mat laktásit áhpehisvuođa ja riegádahttima dikšumii
  • gollu ovtta guvlui manná badjel 25 euro iežasovddasvástádusa
  • don leat máksán ieš visot mátkegoluid.

Kela buhtte mátkegoluid eanas hálbbimus mátkkoštanvuogi mielde lagamus dikšunbáikái. Kela buhtte mátkegoluid dikšunbáikki rádjái, jos dutnje lea mieđihuvvon ovdalohpi dikšuma várás, mii addojuvvo nuppi EU- dehe Eeg-riikkas, Stuora-Británnias dehe Šveiccas.

Jos don it leat ožžon mátkegoluide buhtadusaid eará báikkis, oza olgoriikkain ollašuvvan mátkegoluin buhtadusaid Kelas.