MUITALUS: Loga mot dikšunvuoigatvuođat ollašuvvet geavadis

Dikšuma várás ohcaleapmi almmá ovdalobi haga

Jorma bátnedikšun Estteeatnamii

Jorma dárbbaša duogŋasa iežas máttabátnái. Son lea gárten bátnedoaktáriid ja bátneduognasa hattiid Estteeatnamis ja diŋgon áiggi tallinnlaš bátneklinihkas.

Jorma mátkkošta dikšuma várás Tallinnii ja buot manná bures almma buncaraggáid haga. Vuolggedettiinis Jorma oažžu bátnedoaktáris rehkega, man son ferte máksit ieš.

Jorma ohcá bátnedikšumis goluin buhtadusa Áel:s skoviin SV128. Son oažžu Estteeatnamis addojuvvon dikšumis seamma Áel-buhtadusa go son livččii fitnan priváhta bátnedoaktáris Suomas.


Jorma dikšunvuoigatvuođaid ákkat

Jormas lea EU-riikkavuložin vuoigatvuohta ohcalit dikšuma várás nuppi EU-/Eeg-riikii dehe Šveicii. Dikšuma várás sáhttá ohcalit friddja nu ahte soahpá dikšumis njuolga dikšunaddiin. Áel buhtte nuppi EU- ja Eeg-riikkas dehe Šveiccas ohccojuvvon dikšuma seamma ládje go priváhta dearvvašvuohtadikšuma Suomas.

Buhtadusaid mearri lea Áel:a buhtadusmáksomeriid mielde. Jos Jorma dikšun máksá unnit go buhtadusmearremáksu, de sutnje buhttejuvvo dikšuma gollu. Bátnedikšumis galgá fuomášuvvot, ahte estehtalaš ja protehtalaš dikšun (ovdamearkka dihte bániid českkodahttin) ii dábálaččat gula Áela buhttenvuložin.

Áel buhtte maid mátkegoluid, mat laktásit dikšumii. Almmá ovdalobi haga Áel buhtte mátkegoluid Jorma lagamus dearvvašvuohtastašuvnna rádjái ja mátkki iežasovddasvástádusoassi lea 25 euro. Tallinna mátki ii nappo buhttejuvvo, muhto Jorma šaddá máksit dámpabileahtaid ieš.

Loga lasi