Don oaččut EU-dearvvasvuodadiksun.fi -siidduin luohtehahtti dieđu dearvvašvuohtabálvalusaid geavaheamis – ná mii fuolahit sisdoaluid áigeguovdilvuođas

Rájiid rasttildeaddji dearvvašvuohtafuolahusa kontáktačuokkis juohká dieđu dearvašvuohtabálvalusaid geavaheamis Suomas ja olgoriikkain. Jagi 2015 rabaimet EU-dearvvasvuodadiksun.fi-fierbmebálvalusa, mii lea guovddáškanálamet juohkit dieđu dáin áššiin. Álggos bálvalus lei namain Dikšunbáikeválljen.fi, muhto jagi 2019 loahpas válljiimet ođđa nama ovttasbarggus áššehasaiguin ja guimmiiguin. Don gávnnat siidduin gokčevaččat dieđu ovdamearkka dihte dearvvašvuohtafuolahusa bálvalusaid geavaheamis ja buohcci vuoigatvuođain. Mii áigeguovdilastit EU-dearvvašvuođadikšun.fi-siidduid geažos áigge, vai dan dieđut leat áigedássásaččat ja geavahus nu njuovžil go vejolaš. Mii leat čohkken dán ođđa fierbmebálvalussii maŋemus áiggiid dahkkojuvvon rievdadusaid, maid ánssus siiddut leat ovdalačča ávkkálaččat min lohkkiide.

Rájiid rasttildeaddji dearvvašvuohtafuolahusa rievdadusat barggahit

Go buohccedikšuma riikkaidgaskasaš soahpamušaide ja lágaide dahkkojuvvojit rievdadusat, de siidduide ferte lasihuvvot dain áigeguovdilis diehtu. Ovdamearkka dihte brexit ja dan mielde boahtán ođđa soahpamušat leat gáibidan doaimmahanbarggu EU-dearvvasvuodadiksun.fi-siidduin. Dasa lassin rabaimet diibmá fáddásiiddu mii gieđahallá koronavirusa, mas don oaččut dieđu pandemiija oaivademiin. Dasa lassin siidduin gávdno dál ovdamearkamuitalusaid oassi (siidu suomagillii), mii veahkeha min lohkkiid hábmet dikšunrivttiid ollašuvvama geavadis. Don sáhtát oahpásnuvvat muitalusaiguin dasa, mot oaččut buohccedikšuma iešguđetlágán rájiid rasttildeaddji diliin.

Oassi áigeguovdilastinbarggus lea bissovaš ja jeavddalaš. Mii fuolahit ovdamearkka dihte siidduid  áigedássásašvuođas nu ahte dárkkistahttit ja divodit daid jahkásaččat.  Maiddái  priváhta dearvvašvuohtafuolahusa haddedieđut (siidu suomagillii) áigeguovdilastojuvvojit álot giđđat.

Mii giddet fuomášumi siidduid oažžašuvvamii

Oažžašuvvamiin viggojuvvo dasa, ahte nu máŋggas go vejolaš sáhttet geavahit njuovžilit fierbmebálvalusa ja ovdamearkka dihte áicorájálaš guossástallit váldojuvvojit vuhtii. Dego ovddit áigeguovdilis ođđasisttámet lea daddjojuvvon, min siidduid oažžašuvvan lea buori dásis. Jagi 2020 áigge ođasteimmet ovdamearkka dihte siidduid ivdnegártta oažžašuvvangáibádusaid mieldásažžan. Mii giddet maid geažos áigge fuomášumi dasa, ahte EU-dearvvašvuođadikšun.fi lea álkit geavaheamis maid ruvttolohkanprográmmain.

Ođđajagimánu kontáktačuokkis almmustuhtii maid vuosttaš oasi ođastuvvon seavagielalaš siidduin EU-dearvvašvuođadikšun.fi-siidduin. Sáhtát geahččat videoid sihke suopmelaš ja suomaruoŧŧelaš seavagielain. Mii joatkit seavagielalaš osiid ođasteami čakčat.

Ulbmilin lea čielga giella

Guovva-njukčamánu áigge mii leat dahkan siidduide viidát divodemiid giellagáhttema dáfus. Giellgáhttejuvvon oasit leat Dearvvašvuohtabálvalusat olgoriikkain sihke Dikšumii olgoriikkain Supmii. Maiddái čielga giela geavaheapmi fierbmebálvalusain laktása oažžašuvvamii, ja háliidit gulahallat nu ipmirdahtti gielain go vejolaš.

EU-dearvvasvuodadiksun.fi mielde Du Eurohpa-fierpmádahkii

Min fierbmebálvalusain gávdno dál Your Europe -logo, mii oahpista Du Eurohpa -siidduide (suomagillii). Gažaldagas lea Eurohpa kommišuvnna bajásdoallan, siidu mii lea gárgehanmuttus, ja masa čohkkejuvvo olu diehtu EU-riikkavuložiidda, geat plánejit muotkuma dehe mátkkoštit nuppi EU-riikkas. EU-dearvvašvuođadikšun.fi gullá dán Eurohpa viidosaš portálii, masa lea liŋkejuvvon diehtu min siidduin.

Mot sáhtáleimmet buoridit fierbmebálvalussamet?

Mii váldit mielalis vuostá kommeanttaid siidduineamet, vai sáhttit ovdánahttit dan ovdalačča buorebun. Atte danin midjiide máhcahaga, juos dus leat jurdagat dehe sávaldagat!