EU-dearvvasvuodadiksun.fi – galledeaddjijearahallama bohtosat: siiddut ožžot giitosa čielggasvuođas ja luohtehahttivuođas

Rájiid rasttildeaddji dearvvašvuohtafuolahusa kontáktačuokkis ollahuhtii EU-dearvvasvuodadiksun.fi-siidduin galledeaddjijearahallama čavčča 2025 áigge. Jearahallamii vástideaddjit muosáhe siidduid čielggasin, luohtehahttin ja sidjiide ávkkálažžan. Ollásii 87 proseantta vástideddjiin adde siidduide árvosáni buorre dehe earenoamáš.

– Eatnasat jearahallamii vástideddjiin muitale gávdán iežaset ohcan dieđu álkit, mas mii leat earenoamáš ilus, fierbmekommunikašuvnna áššedovdi Silja Aunola muitala. 

Kontáktačuokkis lea ovdánahttán EU-dearvvasviodadiksun.fi-siidduidis maŋemus jagiid áigge olu. Fuomášupmi lea giddejuvvon dieđu gávnnahahttivuhtii ja čielggasvuhtii. Ovdamearkka dihte siidduid visuálalašvuohta ja dieđu ovdanbuktima vuogit leat ovdánahttojuvvon.

– Galledeaddjijearahallama bohtosat nanneje, ahte rievdadusain lea mannojuvvon rivttes guvlui, Aunola dadjá.

Giitu anolašvuođas ja luohtehahttivuođas

Jearahallamii vástideaddjit giitet siidduid olgguldas hámis ja anolašvuođas. Measta ovcci logi vástideaddjis muosáhe olgguldas hámi čielggasin ja ođđaáigásažžan, ja lihkka olu atne navigerema nappo lihkadeami siiddus nubbái álkin.

Maiddái árvvoštallamat sisdoalu hárrái ledje miehtemielalaččat: 90 proseantta vástideddjiin atnet dieđu luohtehahttin ja áigedássásažžan, ja 86 proseantta muosáha deavsttaid ipmirdahttin. Dieđu mearri árvvoštallojuvvo heivvolažžan, ja eanas vástideddjiin gávdnet álkit áššehasbálvalusaid kontáktadieđuid.

– Mii leat bidjan návccaid dasa, ahte min áššehasbálvalusamet rolla ja oktavuohtaváldinkanálat oidnole siidduineamet čielgaseappot. Ovdamearkka dihte oktavuohtaváldinskovi liŋka lea loktejuvvon siiddu badjeravdii oinnolaččat báikái vuolleravdda sajis, Aunola dadjá.

Ávkkálaš ollisvuohta

Jearahallama vuođul siidduin ohccojuvvui eanemus diehtu buohccámis ja dálkasiin mátkkis. Dárkileappot olgoriikkaid dikšumis muitaleaddji ovdamearkamuitalusat muosáhuvvoje dehálažžan.

Rabas vástádusain siiddut giitojuvvoje dan čielggasvuođas, ipmirdahttivuođas ja das, ahte dárbbašlaš diehtu gávdno jođánit ja diehtu lea gokčevaš. Siidduid luohtehahttivuohta ja áigeguovdilvuohta namuhuvvui dávjá, ja ollisvuohta muosáhuvvui ávkkálažžan ja geavatlažžan.

Siidduid ovdánahttin joatkahuvvá

Kontáktačuokkis áigu boahttevaš jagiid ovdánahttit siidduid vel álkibun atnit, ja deavstta ipmirdahttivuhtii biddjojuvvojit návccat dás ovddosge.

– Siidduid deavsttat hábmejuvvojit vel čielgaseabbon boahttevaš jagiid áigge. Olgoriikkaid dearvvašvuohtafuolahus -siidoollisvuohta earáhuvvá juo jagi 2026 áigge, Aunola muitala.

Maiddái ovdamearkamuitalusat ja eará fáttáid čiekŋaleappot čilgejeaddji artihkkalat buktojuvvojit boahttevuođas dávjjit leahtuin.

– Válljet artihkaláide ja muitalusaide earenoamážit daid fáttáid, main jerrojuvvo áššehasbálvalusasteamet, Aunola muitala.

Kontáktačuokkis geardduha galledeaddjijearahallama dás ovddos jahkásaččat, vai sáhttit sihkkarastit, ahte siiddut dávistit dás ovddosge geavaheddjiid dárbbuide.