EU-terveydenhoito.fi (sámás: eu-dearvvasvuodadiksun.fi)-siidduin leamaš diehtočoahkut leat čoaggán galledeaddjidieđuid, vaikko galledeaddji ii livčče addán miehtama

EU-dearvvasvuodadiksun.fi-fierbmesiidduin leat leamaš 25.4.-30.8.2022 diehtočoahkut, mat leat čoaggán galledeaddjidieđu, vaikko miehtan diehtočoahkuid geavaheapmái ii livčče addojuvvon. Siidduin leat leamaš namuhuvvon áigegaskkas sulaid 123.000 galledeaddji.

Diehtočoahkuiguin lea čuvvojuvvon ovdamearkka dihte, mot galledeaddjit leat lihkadan siidduin sihke siidduide stivrejuvvon máinnusteami bohtosat. Danveardásaš diehtočoahkut geavahuvvojit dábálaččat eará fierbmesiidduin. EU almmolaš diehtosuodjeásahus gáibida, ahte daid geavaheapmái bivdojuvvo miehtan.

EU-dearvvasvuodadiksun.fi-siidduin lea anus diehtočoahkkobanner, man mielde galledeaddji sáhttá válljet, maidda diehtočoahkuide son addá miehtama. Diehtočoahkkobanneris lea goitge leamaš boasttonavddusásahus, man dihte galledeaddjidieđuid čuovvu applikašuvdna lea čoaggán dieđuid juo ovdal go miehtan lea addojuvvon.

– Šállošit hui sakka. Čielggadit ášši vuđolaččat ja dás duohko bearráigeahččat iežamet diehtočoahkkoproseassa ovdalaččage fuolalaččabut, muitala siidduid bajásdoalli Rájiid rasttildeaddji dearvvašvuohtafuolahusa kontáktačuoggá hoavda Matias Kainu.

Dáhpáhuvvan ášši gieđahallojuvv diehtodorvorihkkumin ja das lea dahkkon ilmmuhus diehtosuodjeáittardeaddji doaimmahahkii.

Lassidieđut: Rájiid rasttildeaddji dearvvašvuohtafuolahusa kontáktačuokkis, yhteyspiste@kela.fi

Loga lasi:

• EU-dearvvavuođadikšun.fi-siidduid diehtočoahkkogeavadat

Dát liŋkkat dolvot eará fierbmesiidduide, eaige dain leat sámegiel siiddut:

• Mitä evästeet ovat (sámás: Mat diehtočoahkut leat) (kyberturvallisuuskeskus.fi)
• Näin poistat evästeet Google Chrome -verkkoselaimeltasi (sámás: Ná sihkut diehtočoahkuid Google Chrome -fierbmeneahttaloganis) (google.com)
• Näin poistat evästeet Mozilla Firefox -verkkoselaimeltasi (sámás: Ná sihkut diehtočoahkuid Mozilla Firefox -fierbmeneahttaloganis) (mozilla.org)
• Näin poistat evästeet Microsoft Edge -verkkoselaimeltasi (sámás: Ná sihkut diehtočoahkuid Microsoft Edge -fierbmeneahttaloganis) (microsoft.com)
• Näin poistat evästeet Internet Explorer -verkkoselaimeltasi (sámás: Ná sihkut diehtočoahkuid Internet Explorer -fierbmeneahttaloganis) (microsoft.com)