Eurohpalaš buohccedikšungoarttain oažžu dikšuma maid olgoriikkain koronadilis – garvve goitge frddjaáigge mátkkošteami

26.3.2020

Máŋggas smihttet dál, mot olgoriikkain buohccán olmmoš oažžu dikšuma koronadilis. EU- ja Eeg-riikkain sihke Šveiccas buozalmasa dihte dárbbašlaš dikšun galggalii ožžojuvvot eurohpalaš buohccedikšungoarttain dego ovdalge. Ráđđehusa rávvaga mielde friddjaáigge mátkkošteapmi galgá dál goitge garvojuvvot.


EU- ja Eeg-riikkain sihke Šveiccas dálkkasdieđalaččat vealtameahttun dikšuma oažžu báikkálaš áššehasmávssu hattiin, juos dikšunaddái čájeha Kela mieđihan eurohpalaš buohccedikšungoartta. Dálkkasdieđalaččat vealtameahttun dikšumiin dárkkuhuvvo dikšun, mii ii sáhte vuordit dan, ahte olmmoš máhccá iežas ruovtturiikii. Dikšundárbbu árvvoštallá doavttir, gii dikšu.

Davviriikkain ii dárbbašuvvo eurohpalaš buohccedikšungoarta, muhto dikšuma oažžu go čájeha bássa dehe eará identitehtaduođaštusa. Dikšuma oažžu maid Stuora-Británnias ja Davvi-Irlánddas, go čájeja bássa. Austrália almmolaš dearvvašvuohtafuolahusas oažžu dikšuma, go čájeha Kela-goartta ja bássa.

Juos mátkkálažžan buohccát WHO:a riikkaidgaskasaš dearvvašvuođanjuolggadusaid heiveheaddji riikkas, de don galggalit oažžut korona dikšuma nuvttá.

Eará riikkain ferte ráhkkanit máksit buot dikšuma goluid ieš. Dárkkis maid iežat dáhkádusfitnodagas mátkedáhkádusa buhtaduseavttuid.

Gánnáha váldit vuhtii

  • Koronapandemiija dihte dikšuma oažžašuvvamis sáhttet leat erohusat riikkaid mielde.
  • Juos buohccát EU- dehe Eeg-riikkas dehe Šveiccas ja dus ii leat eurohpalaš buohccedikšungoarta, váldde oktavuođa  Kelan kansainvälisten asioiden keskukseen (sámás: Kela riikkaidgaskasaš áššiid guovddážii). Juos mávssát olgoriikkain iežat oažžun buohccedikšuma goasttádusaid ieš, sáhtát ohcat buhtadusa maŋálgihtii Kelas. Buhtadusa sáhttá oažžut man beare riikkas addojuvvon dikšumis. Kela ii goitge buhtte vejolaš áššehasmávssuid.
  • Min fierbmebálvalusa riikaguovdasaš siidduide lea čohkkejuvvon vuođđodiehtu dearvvašvuohtafuolahusas sierra riikkain.

Lassidieđut: