Kanta.fi: Suopmelaš šleađgareseapttain sáhttá dál háhkat dálkasiid Polskkas

Polskkas dálkasiid sáhttá háhkat suopmelaš reseapttain measta visot apteaikkain. Oalil polskalaš šleađgareseapttain sáhttá oastit dálkasiid Suomas. Polskka lassin suopmelaš reseapttain sáhttá oastit dálkasiid Estteeatnamis, Portugálas ja Kroátias.

Muitinlistu reseaptadálkasa háhkamii suopmelaš šleađgareseapttain

Čuovvovaš áššit gánnáhit váldojuvvot vuhtii ovdal apteikii mannama olgoriikkain.

• Apteikii galgá váldit pássa dehe persovdnagoartta.
• Kela-buhtadusat olgoriikka dálkkasostosiin sáhttet ohccojuvvot maŋálgihtii elektrovnnalaččat OmaKelas.
• Olgoriikkain apteaikkain eai sáhte ostojuvvot gárehuhtti dálkasat eaige dálkasat, mat váikkuhit guovddášnearvavuogádahkii dehege VGV-dálkasat (váldoáššis guovddášnearvavuogádahkii váikkuheaddji), mat gáibidit originála reseaptta.
• Portugálas ja Polskkas apteaikkat bohtet mielde dađistaga, nu ahte gánnáha sihkkarastit ovddalgihtii, doaibmágo eurohpalaš šleađgareseapta iežat válljen apteaikkas.
• Don sáhtát oastit dálkasiid dušše iežat reseapttain. Nuppi ráves olbmo dehe vuolleahkásačča beales áššiiddikšun ii leat vejolaš.

Eurohpalaš šleađgareseapta álkidahttá mátkkošteaddji dálkkasdikšuma

Eurohpalaš šleađgareseaptta ulbmilin lea sihkkarastit Eurohpas johtti riikkavuložiid dikšuma bistevašvuođa ja dorvvolaš dálkkasdikšuma. Juos olmmoš dárbbaha dálkasiid nuppi Eurohpa riikkas orodettiinis, sáhttá son oastit daid guoskevaš riikka apteaikkas.

Oktasaš elektrovnnalaš bálvalusaiguin reseaptadieđut johtet dorvvolaččat ja áhpasit. Elektrovnnalaš eurohpalaš reseapta doarju maid buohcci oppalašdálkkodeami hálddaheami.