Kela (Áel): Suopma ii doaisttážii váldde atnui buohccedikšumis, mii addojuvvo olgoriikkain, ovdalohpemeannudeami EU buohccedirektiivva mielde

Suomas lei ulbmil váldit atnui jagi 2024 álggu rájes ođđa, EU buohccedirektiivva ovdalohpemeannudeapmi diliin, main áššehas ohcala buohccedikšuma várás EU-, dehe Eeg-riikii, Sveicii, Stuora-Británniai dehe Davvi-Irlándii.

Suopma ii goitge doaisttážii váldde ovdalohpemeannudeami atnui, daningo Suoma dearvvašvuohtafuolahusa bálvalusválljahupmái eai dálá áigge gula dakkár doaibmabijut, mat deavddále buohccedirektiivva ovdalobi gáibádusaid.

Buohccedirektiivva mieldásaš ovdalohpi sáhttá váldojuvvot atnui Suomas maŋŋel. Dalle Suoma ráđđehus mearrida sierra ásahusain daid bálvalusaid, maid goluid buhtten gáibida ovdalobi. Kela dieđiha áššis sierra.

EU buohccedirektiivva mielde buohccis lea riekti ohcalit buohccedikšuma várás nuppi EU- dehe Eeg-riikii, Sveicii, Stuora-Británniai dehe Davvi-Irlándii ja oažžut dikšumis buhtadusa. Buhtadus máksojuvvo seamma kritearaiguin sorjjasmeahttumit das, leago dikšun addojuvvon ruovtturiikkas vai olgoriikkain. EU buohccedirektiiva lea ollahuhtton Suomas lágain rájiid rasttildeaddji dearvvašvuohtafuolahusas. Láhka rievddai 1.5.2023, ja ovdalohpenuppástus lei ulbmil boahtit vuoibmái jagi 2024 álggus.

Olgoriikkaide sáhttá ein ohcalit dikšuma várás juogo iešoaivválaččat almmá ovdalobi haga dehe ovdalobiin EU-ásahusa mielde.

Lassidieđut

• Háliidan mátkkoštit dikšuma várás olgoriikkaide
• Dikšuma várás ohcaleapmi olgoriikkaide (Kela, suomagillii)
• Buohccedirektiiva (Rájiid rasttildeaddji dearvvašvuohtafuolahus) - Sosiála- ja dearvvašvuohtaministeriija (suomagillii)
• Kela: Olgoriikkas ožžojuvvon buohccedivššus sáhttá dál oažžut stuorát buhtadusa go ovdal
• Kela: Olgoriikkain ožžojuvvon buohccedikšuma goluid buhtten rievdá