Oahpásnuva dearvvašvuohtabálvalusaid haddedieđuide hoitopaikanvalinta.fi:s

27.11.2017


Maid máksá dábálaš doaktáris fitnan Helssegis, nabe geassebartabáikegotti doavtterstašuvnnas? Man olu dikšungoluin leat erohusat bátnedoaktáriid gaskkas, jos dál hálida ohcalit dikšuma várás priváhta beallái?

Suomagiel fierbmesiiddus Yksityisten terveyspalvelujen hintoja (sámás: Priváhta dearvvašvuohtabálvalusaid hattit) sáhtát álkit veardádallat hattiid Hoitopaikanvalinta.fis, go ozat dieđuid spesiálasuorggi ja báikegotti mielde. Hoitopaikanvalinta.fi haddedieđut leat čohkkejuvvon nu ahte lea ovttastahttojuvvon Áel:a bálvalanbuvttadeaddji- ja buhtadusregisttar. Manin Suomas dárbbaša lasi veardidandieđu dearvvašvuohtabálvalusaid hattiin?

– Dearvvašvuohtabálvalusaid hattit molsašuddet sakka bálvalanbuvttadeddjiid gaskkas. Dutkamušaid mielde haddegilvu sáhtálii doaibmat buorebut. Earenoamážit stuorafitnodagaid hattit sáhttet leat allelis go ovttaskas ámmátbargi bearran hattit. Geavaheddjiid haddediđolašvuođa lassáneapmi galggalii maid váikkuhit oiddolaččat gilvvu čavgamii, dadjá diehto- ja kommunikašuvdnaossodaga hoavda, dutkanprofessor Hennamari Mikkola Áel:s.

– Oppalaččat hattit leat gorgŋon jođáneappot go oppalaš dienasdássegárganeapmi, muhto leat maid spiehkastagat. Ovdamearkka dihte govvanearáhuhttindutkamušain hattit leat njiedjan danin go gilvu lea čavgan.

Hoitopaikanvalinta.fis almmustuhtton dearvvašvuohtabálvalusaid haddedieđut muitalit gaskaárvvolaš dearvvašvuohtabálvalusaid Suomas. Haddedieđuin leat fárus priváhta dearvvašvuohtafuolahusa bálvalanbuvttadeaddjit, geat leat dahkan Áel:in njuolggobuhtadussoahpamuša. Priváhta dearvvašvuohtafuolahusa bálvalanbuvttadeaddjis dárkkuhuvvo doavtterstašuvdna dehe buohcceviessu, okta dehe eanet bátnedoaktára vuostáváldinbáikkit dehe fysikála dikšunlágádus.

Dál almmustuhtton haddedieđut gusket áigodaga 1.1. -30.6.2017. Hoitopaikanvalinta.fis ovdanbuktojuvvon mediánahattiin ii leat geahpiduvvon buohcanoadjobuhtadus iige hattiin leat fárus doaimmahatmáksu, man bálvalanbuvttadeaddji sáhttá bearrat sierra.

Suomagiel fierbmesiidduin gávnnat priváhta dearvvašvuohtafuolahusa hattiid Yksityisen terveydenhuollon hintatietoja.

Siiddut, mat laktásit fáddái