Apteaikkat Suomas
Dušše apteaikkain lea Suomas lohpi vuovdit dálkasiid. Muhtin bieđggoorrunguovlluin leat maid apteaikka bálvalančuoggát, main sáhttá háhkat sihke reseapta- ja iešdikšundálkasiid. Apteaikka sáhttá oamastit lágalažžan dahkkon provisor.
Dearvvašvuohtafuolahusa organisašuvnnas doaibmet dasa lassin buohcceviessoapteaikkat ja -dálkkasguovddážat, maid ovddasvástádussan lea fuolahit dálkasiid buhcciide, geat leat dikšojuvvome. Dat eai vuovdde dálkasiid persovdnaáššehasaide.
Dálkkassuorggi dorvvolašvuohta- ja ovddidanguovddáš Fimea mieđiha apteaikkaid doaibmalobiid ja bearráigeahččá daid doaimma Suomas.
Apteaikkat sáhttet ohcat ohcanmášiinnaiguin, dego Googlein. Čále ohcansátnin apteaika ja gávpoga nama. Máŋggaid apteaikkaid oktavuohtadieđut gávdnojit maid Apotehkárlihtu Apteaikaozus. Apteaikalihtu fierbmesiidduin lea čohkkejuvvon maid olu eará diehtu apoteaikkain ja dálkasiin.