Báberkeahtes olbmuid buohccedikšun Suomas
Suomas orodit lágalaččat ja váile lágalaš orodanrievtti olbmot, geain adnojuvvo oktasašnamahussan báberkeahttásat dehe báberkeahttásiid sullasaš olbmot. Báberkeahtes olbmuin lea riekti hohpolaš dikšumii almmolaš dearvvašvuohtafuolahusas. Báberkeahtes mánáin rievttit leat rávesolbmuid viidáseappot.
Báberkeahttásiid dikšun ii leat mange dilis lágaheapme. Dearvvašvuohtafuolahusa ámmátolbmo geatnegasvuohta ja riekti lea fállat dearvvašvuohtafuolahusa bálvalusaid daid dárbbaheddjiide. Dearvvašvuohtafuolahusa ámmátolbmuin ii leat riekti dieđihit eiseválddiide riikkas lágaheamit orodeaddji olbmos, ja sin čatná viiddes čiegusindoallan- ja veahkehangeatnegasvuohta.
Dearvvašvuohtafuolahusa ámmátolmmoš árvvoštallá álohii bálvalusaid vealtameahttunvuođa ja dárbbu. Árvvoštallamis váldojuvvo vuhtii orodeami bistin sihke áššehasa dearvvašvuohtadilli.
Dearvvašvuohtafuolahus galgá goitge lágidit vealtameahttun hoahpuhis dikšuma maid báberkeahttásiidda, juos dikšumis biehttaleapmi livččii meariheapme dearvvašvuohtadili dehe váttu dihte. Árvvoštallan dahkkojuvvo individuálalaččat dálkkasdieđalaš ákkaid mielde, loahpa loahpas doaktára mearrádusas. Dearvvašvuohtafuolahus galgá maid lágiduvvot dikšuma báberkeahttásiidda, juos das biehttaleapmi:
- duođalaččat dorvvohuhtálii earáid dearvvašvuođa, dehe
- heajudivččii vuolleahkásačča buresbirgema, juos olmmoš vástida dán ávviris.
Almmolaš dearvvašvuohtafuolahus galgá maid fállat báberkeahttásiidda
- áhpehisvuođa, riegádahttima ja riegádahttima maŋŋedikšuma bálvalusaid (earret eará rávvehatbálvalusaid, prevenšuvdnaneavvuma ja áhpehisvuođa gaskkalduhttima)
- vuolleahkásažžan álggahuvvon dikšun gitta loahpa rádjái, vaikko olmmoš deavddálii dikšuma áigge 18 jagi
- lámes olbmui su lámisvuođas dihte vealtameahttun hoahpuhis dearvvašvuohtabálvalusaid.
Dikšungolut báberkeahttásiidda
Báberkeahtes olmmoš gokčá dábálaččat ieš Suomas šaddan buohccedikšuma goluin. Juos dikšungolut eai lihkostuva berrojuvvot olbmos alddis, Kela buhtte daid áššehasmávssu badjelmanni oasis almmolaš dearvvašvuohtafuolahusa bajásdoallái. Juos báberkeahtes olmmoš lea čielgasit váreheapme, almmolaš dearvvašvuohtafuolahus sáhttá luohpat goluid bearramis. Báberkeahtes olmmoš galggalii dattetge máksit álohii almmolaš dearvvašvuohtafuolahusa áššehasmávssu.
Global Clinic leat eaktodáhtolaš resurssaiguin bajásdollojuvvon klinihkka, mii fállá báberkeahtes olbmuide dearvvašvuohtarávvema, máŋggaámmátlaš doarjaga ja bálvalanoahpisteami almmolaš dearvvašvuohtafuolahussii. Klinihkain báberkeahttásat dikšojuvvojit guorahallanvulošvuođa mielde, juos almmolaš dearvvašvuohtafuolahussii beassamis lea jeavddalaččat biehttaluvvon dehe báberkeahtes olmmoš ii juoga sivas duostta ohcalit almmolaš bálvalusaid ollái. Klinihkat doibmet Helssegis ja Turkus, ja dain barget eaktodáhtolaš doaktárat ja dikšunbargoveahka. Veahki oažžu nuvttá ja luohttámušain.
Báberkeahttásiiguin dárkkuhuvvojit máŋggat olmmošjoavkkut
Báberkeahttásiiguin dehe báberkeahtes lágán olbmuin dárkkuhuvvojit máŋggat sierra olmmošjoavkkut, iige terminologiija leat sajáiduvvan. Dábálaččat báberkeahtes olbmuin dárkkuhuvvojit buohkat dehe muhtimat čuovvovaš olmmošjoavkkuin:
- Olmmoš, gii oroda Suomas guhkesáigásaččat gustojeaddji orodanlobi dehe viisuma haga
- Olmmoš, gii oroda Suomas lágalaččat muhto sus ii leat ruovttugielda
- EU-riikkavuloš ja su bearašlahtu, gean riikkas orodeapmi lea lágalaš, muhto geas ii leat dáhkádusdorvu buozalmasa dehe buohccedikšuma várás iige ruovttugielda
Baberkeahttásiid buohccedikšunrievttit eai guoskka riikkas gaskaboddasaččat orodeddjiid (ovdamearkka dihte turisttaid) dehe Supmii dikšuma várás ohcaleddjiid.