MUITALUS: Loga mot dikšunvuoigatvuođat ollašuvvet geavadis
Buohccán luopmomátkkis Eurohpas
Eveliina čoavjedávda Kanária luomus
Eveliina lea mátkkoštan váhnemiiddiskaguin vahku lupmui Kanáriasulluide. Doaladettiin guokte beaivvi luomu luopmočuozáhagas son oažžu čoavjedávdda. Čoavjebávččas ii ložže, nu ahte Evelinna vuolgá fitnat lagas doavtterstašuvnnas. Sus lea fárustis eurohpalaš buohccedikšungoarta ja son sihkkarastá, ahte doavtterstašuvdna dohkkeha goartta.
Doavttir fuomáša čoavjedávdda ja mearrá Eveliinai dálkasa ja vuoiŋŋasteami. Eveliina máksá doavtterfitnamis báikkálaš áššehasmávssu veardde. Sus lea maid mátkedáhkádus, mas son ohcá mátkki maŋŋel buhtadusaid iežas máksin áššehasmávssus.
Eveliina fitná báikkálaš apteaikkas oastime doaktára mearran reseaptadálkasa. Go čájeha eurohpalaš buohccedikšungoartta, de son oažžu maid dálkasa seamma haddái go báikkálaš olbmot.
Eveliina dikšunvuoigatvuođaid ákkat
Eveliina lea oadjuduvvon buohcama várás Suomas, nu ahte Suomas lea ovddasvástádus su buohccedikšuma goluin ja dat lea mieđihan sutnje eurohpalaš buohccedikšungoartta. Goarta heive EU- ja Eeg-riikkas sihke Šveiccas. Goarta čájehemiin Eveliina oažžu dálkkasdieđalaččat vealtameahttun dikšuma seamma ládje ja seamma haddái go báikkálaš olbmot. Espánnja bearrá rehkegiin loahppagoluid Suomas. Dálkkasdieđalaččat vealtameahttun dikšun dárkkuha dakkár dikšuma, mii ii sáhte vuordit olbmo ruoktot máhccama olgoriikkain. Doavttir árvvoštallá dikšundárbbu orodeami bistima ektui.
Áel buhtte maid olgoriikkain ostojuvvon dálkasiid goluid. Daningo Eveliina lea ožžon dálkkasdieđalaččat vealtameahttun dikšuma EU-riikkas gaskaboddasaš orodeami áigge, de sus lea vuoigatvuohta oažžut eurohpalaš buohccedikšungoarttain maiddái dálkasiid seamma haddái go báikkálašš orrut.