Luomus Eurohpas
Plánedettiiinat luopmomátkki gánnáha smiehttat maid gažaldagaid, mat laktásit dearvvašvuhtii. Sáhtát atnit ávkin dán siidui čohkkejuvvon geažidemiid ja liŋkkaid luopmoráhkkanemiin, dehe jos buohccát dehe bártidat luopmomátkkistat.
Mielde mátkái
Muittáthan váldit mátkái mielde pássaid ja mátkkoštanáššegirjjiid lassin
- Eurohpalaš buohccedikšungoartta
- Dálkasiid ja daid reseapttaid
- Mátkedáhkádusa, earenoamážit jos du luopmočuozáhat ii leat EU- dehe Eeg-riika
- Veaháš reaidoruđa eará sadjái go ruhtabursii
- Telefovnna, masa leat furken iežat lagašoapmahaččaid oktavuohtadieđuid ICE-oanádusain (In Case of Emergency)
Jos buohccát luopmomátkkis
Eurohpalaš buohccedikšungoarttain oaččut EU- ja Eeg-riikkain, Stuora-Británnias ja Šveiccas dálkkasdieđalaččat vealtameahttun dikšuma dehege dakkár dikšuma, mii ii sáhte vuordit du máhccama ruoktot. Fáhkka buohccáma dehe dáhpedorpmi lassin oaččut dikšuma maid, jos du guhkesáiggebuozalmas vearrána, dehe áhpehisvuođa dehe rigádahttima dihte.
Eurohpalaš buohccedikšungoarta heive EU- ja Eeg-riikkain, Stuora-Británnias ja Šveiccas almmolaš dearvvašvuohtafuolahusas ja dain báikkiin, main lea soahpamuš almmolaš dearvvašvuohtafuolahusain. Jeara dikšunaddis, dohkkehago son goartta.
Goartta čájehemiin oaččut buohccedikšuma seamma haddái ja seamma ládje go báikkálaš orrut. Mávssát dikšumis báikkálaš áššehasmávssu. Heahtedáhpáhusas sáhtát oažžut dikšuma almmá goartta haganai, muhto dalle sáhtát šaddat máksit ieš dikšuma duođalaš goluid. Sáhtát ohcat dain buhtadusaid maŋálgihtii Kelas.
Lassidorvvu mátkái oaččut go válddát mátkedáhkádusa. Mátkedáhkádus sáhttá maid buhttet goluid, jos šaddat boahtit ovdamearkka dihte ambulánsagirdiin ruoktot.
Leatgo vuolgime olgoriikka mátkái? Oahpásnuva Eveliina ja Joona muitalusaide.
Loga lasi
Eveliina čoavjedávda Kanária luomus
– Buohccán luopmomátkkis Eurohpas
Joona skohterbárti Thaieatnamis
– Dáhpedorbmi luopmomátkkis Eurohpa olggobealde
Leatgo vuolgime…
Mánáiguin lupmui
Dárkkis ovdal luopmomátkki, ahte buot bearašlahtuin lea eurohpalaš buohccedikšungoarta. Goarta lea nuvttá, ja sáhtát diŋgot dan alccesat ja mánáidasat Kela fierbmesiidduid bakte. Maiddái mátkedáhkádus dorvvasta buohccáma dehe bártti dagahan goluid, ovdamearkka dihte jos šattat dáhpedorpmi dihte mátkkoštit ruoktot gaskan iežat luomu. Muitte dárkkistit maid boahkuid ovdal go vuolggát mátkái.
Ávkkálaš liŋkkat
Ealáhatolmmožin Eurohpii
Leatgo ealáhagas oasi jagis nuppi EU- dehe Eeg-riikkas? Oaččut doppe dálkkasdieđalaččat vealtameahttun dikšuma eurohpalaš buohccedikšungoarttain. Ilmmut Kelai ja magistráhtii, jos orodat badjel golbma mánu olgoriikkain.
Ávkkálaš liŋkkat
- Terveyspalvelut Espanjassa ja Kanariansaarilla (sámás: Dearvvašvuohtabálvalusat Espánnjas ja Kanariasulloin)
- Veajuiduhttimii olgoriikkaide?
- Eläke ulkomaille tilapäisen oleskelun aikana (kela.fi) (sámás: Ealáhat olgoriikkaide gaskaboddasaš orodeami áigge)
- Orutgo oasi jagis olgoriikkain? Fárren ealáhatolmmožin
- Ilmoita yli kolmen kuukauden matkoista Kelaan (kela.fi) (sámás: Ilmmut badjel golmma mánu mátkkiin Kelai)
- Muuttoilmoitus Digi-ja väestötietovirastoon (dvv.fi) (sámás: Fárrenilmmuhus Digi- ja álbmotdiehtovirgelágádussii)
Oanehis mátkái
Jos buohccát dehe bártidat iežat luomu áigge EU- dehe Eeg-riikkas, Stuora-Británnias dehe Šveiccas, oaččut dikšuma seamma haddái ja seamma ládje go báikkálaš orrut. Go čájehat eurohpalaš buohccedikšungoartta, de mávssát dikšumis dušše báikkálaš áššehasmávssu ja du dikšuma golut berrojuvvojit rehkegiin Suomas. Heahtedáhpáhusas čuojat heahtenummárii dehe mana báikkálaš buohccevissui.
Ávkkálaš liŋkkat
- Maid dagat, jos buohccát mátkkát áigge Eurohpas
- Veahkki heahtedáhpáhusas olgoriikkain
- Riikaguovdasaš diehtu dearvvašvuohtabálvalusain
- Muitte eurohpalaš buohccedikšungoartta (kela.fi)
- Saanko hoitoa, jos kortti on unohtunut kotiin – ja muita usein kysyttyjä kysymyksiä eurooppalaisesta sairaanhoitokortista (kela.fi) (sámás: Oaččungo dikšuma, jos goarta lea vajalduvvan ruoktot – ja eará dávjá jerrojuvvon gažaldagat eurohpalaš buohccedikšungoarttas)
- Kuka maksaa, jos sairastut lomallasi? (kela.fi) (sámás: Gii máksá, jos buohccát iežat luomus?)
Guhkit mátkái
Dearvvašvuohtabálvalusaid geavaheapmi sierra riikkain sáhttá molsašuddat, nu ahte gánnáha oahpásnuvvat luopmočuozáhaga geavadiidda, earenoamážit jos plánet guhkit luomu. Eurohpalaš buohccedikšungoarttain oaččut buohccádettiinat dikšuma EU- dehe Eeg-riikkain maiddái guhkit orodeami áigge dehe guhkesáiggebuozalmasa vearráneami dihte.
Ávkkálaš liŋkkat
- Mot dearvvašvuohtafuolahus doaibma čuozáhatriikkastat? Oahpásnuva riikaguovdasaš dieđuide
- Luomus jođašit Eurohpas? Báhkke mielde eurohpalaš buohccedikšungoartta (kela.fi)
- Tee matkustusilmoitus ulkoministeriöön (matkustusilmoitus.fi) (sámás: Daga mátkkoštanilmmuhusa olgominteriijai)
- Ilmoita yli 3 kuukauden matkoista Kelalle (kela.fi) (sámás: Ilmmut badjel 3 mánu mátkkiin Kelai)
- Mot oaččut buhtadusaid olgoriikkain addojuvvon dikšumis
Dálkasat ja reseapttat
Váldde dálkasiid lassin mielde maid daid reseapttaid dehe čálit čoahkkáigeasu Iežasfuorká-bálvalusas. Ná sáhtát dárbbu mielde duođaštit duollus, ahte dus lea vuoigatvuohta fievrridit persovnnalaš dálkasiid mielde. Jos hálidat oastit dálkasiid luopmočuozáhagas, de bivdde iežat doaktára čállit dálkkasmearrama olgoriikkain oastima várás.
Lassidiehtu mátkkošteaddjái
Fierpmis oaččut buriid geažidemiid dearvvašlaš ja dorvvolaš mátkkošteamis. Lassidieđu dearvvašvuohtabálvalusaid geavaheamis Eurohpas sáhtát jearrat EU-riikkaid Rájiid rasttildeaddji dearvvašvuohtabálvalusaid kontáktačuoggás.
Ávkkálaš liŋkkat
- Riikaguovdasaš diehtu dearvvašvuohtabálvalusain
- Rájiid rasttildeaddji dearvvašvuohtafuolahusa kontáktačuoggát EU-riikkain
- Mitkä maat ovat EU-maita? (europa.eu) (sámás: Mat leat EU-riikkat?)
- Matkailijan terveysopas (thl.fi) (sámás: Mátkkošteaddji dearvvašvuohtaoahpis)
- Usein kysyttyä matkailijan rokotteista (rokote.fi) (sámás: Mátkkošteaddji boahkuhanoahpis)
- Ulkoministeriön matkustustiedotteet (um.fi) (sámás: Olgoministeriija mátkkoštandieđáhusat)