Kanta.fi: Estteeatnama dearvvašvuohtafuolahus sáhttá atnit ávkin Suomas girjejuvvon buohccedieđuidat, juos attát dasa lobi

6.6.2024

Don sáhtát Iežankantas (OmaKanta) attát dál miehtama buohccedieđuidat gaskkusteapmái eará Eurohpa riikkaide. Vuohččan dieđut sáhttet adnojuvvot ávkin dušše Estteeatnama dearvvašvuohtafuolahusas. Ođastus buorida dearvvašvuohtadieđuid johtima ja dikšuma šlája.


Buorrešlájat dikšuma dáhkideami várás lea dehálaš, ahte maid olgoriikkain dearvvašvuohtafuolahusa ámmátolbmos leat anustis áigedássásaš dieđut dearvvašvuohtadilistat. IežanKantas sáhtát addit miehtama, man bakte du Suoma buohccedieđut sáhttet gaskkustuvvot Estteeatnama dearvvašvuohtafuolahussii du divššu olis. Ná ámmátolbmot Estteeatnamis ožžot dárbbu mielde jođánit oidnosii deháleamos dieđuid dearvvašvuohtadilistat, juos ohcalat riikka dearvvašvuohtafuolahusa biirii.

Buohccedieđuid johtin Eurohpa rájiid rastá buorida suopmelaš dikšuma joatkevašvuođa ja buohccedorvvolašvuođa. Das ávkahuvvet earenoamážit hohpolaš dikšuma olgoriikkain dárbbaheaddjit ja riikkas nubbái fárrejeaddji olbmot.

Deháleamos buohccedieđut jođánit ja čohkkejuvvon hámis oidnosii

Dieđuid gaskkusteapmi elektrovnnalaččat rájiid rastá dáhpáhuvvá buohccedieđuid čoahkkáigeasu bakte. Dearvvašvuohtafuolahusa ámmátolmmoš oaidná čoahkkáigeasus rájálaččat buohccedieđuid, mat dus leat ovdal girjejuvvon Suomas.

Du buohccedieđu, mat gaskkustuvvojit Estteeatnamii, čoggojuvvojit čoahkkáigessui Suomas Kanta-bálvalusaide furkejuvvon dearvvašvuohta- ja dálkkodandieđuinat. Kantas sáhtte gaskkustuvvot Estteeatnama dearvvašvuohtafuolahussii diehtu ovdamearkka dihte du allergiijain, dálkkodeamis ja diagnosain.

Ámmátolbmuin, geat doibmet Estteeatnamis, ii leat njuolggobeassan buohccedieđuidasat. Dieđuidat eai sáhte gaskkustuvvot nuppi Eurohpa riikka dearvvašvuohtafuolahussii almmá du miehtama haga.

Maŋŋel buohccedieđut sáhttet gaskkustuvvot maid eará sadjái Eurohpii ja Eurohpas Supmii. Juo dán jagi dieđut sáhttet gaskkustuvvot ođđa riikkaide. Buohccedieđut eará Eurohpa riikkain Suoma dearvvašvuohtafuolahussii bastet gaskkustuvvot Kanta bakte álgojagi 2025 rájes.

Gáldu: Kanta.fi

EU:n lippu ja teksti Euroopan unionin osarahoittama.