Dikšuma golut Suomas olgoeatnanlaš buohccái
Don mávssát Suoma almmolaš dearvvašvuohtafuolahusas iežat oažžun dikšumis juogo gieldalačča áššehasmávssu dehe buot dikšuma goluid. Máksui váikkuha dat, man riikkas don leat boahtán Supmii sihke leatgo buohccán fáhkkestaga gaskaboddasaš Suomas orodeamát áigge vai leatgo mátkkoštan Supmii vásedin geavahit dearvvašvuohtabálvalusaid.
Suoma almmolaš dearvvašvuohtafuolahusas buohccis sáhttá berrojuvvot áššehasmáksoláhkaásaheami vuođul áššehasmáksu. Aitosaš áššehasmáksolágas dehe -ásahusas merrojuvvon mávssu sajis dus sáhttá berrojuvvot dikšuma duođalaš golut, juos
- don leat vásedin ohcalan dikšuma várás Supmii iige dus leat orrunriikkat mieđihan ovdalohpi (skovvi S2)
- don boađát eará báikkis go EU- dehe Eeg-riikkas, Stuora-Británnias dehe Sveiccas iige dus leat ruovttugielda Suomas dehe eará ákka vuođul vuoigatvuohta dikšumii Suoma
- don it čájet dikšunriekteduođaštusa, ovdamearkka dihte eurohpalaš buohccedikšungoartta, almmolaš dearvvašvuohtafuolahusas.
Vaikko don it oro Suomas, dus ii dattetge sáhte berrojuvvot máksu njoammudávdalágas merrojuvvon álbmotlaš boahkuhanprográmma boahkuhemiin, stáhtaráđi mearran almmolaš eaktodáhtolaš boahkuhemiin, iige stáhtaráđi ásahusain mearridanvuloš bákkolaš boahkuhemiin.
Máksu ii maid oaččo berrojuvvot dutkamušas, mii addojuvvo oppalašvárálaš njoammudávdda leavvama caggama várás, ja dearvvašvuohtafuolahuslága 50 §:s dárkkuhuvvon hohpolaš dikšumis sihke oppalašvárálaš njoammudávdda dikšuma várás merrojuvvon dálkasiin, dehe áhpehis HIV-positiivvalaš olbmo dutkamis, dikšumis ja dikšuma várás merrojuvvon dálkasiin.
Priváhta dearvvašvuohtafuolahusas don mávssát bálvalanbuvttadeaddji meroštallan hatti. Don sáhtát ohcat buhtadusa maŋálgihtii Kelas dehe iežat buohcanoadjolágádusas, juos orut EU- dehe Eeg-riikkas dehe Sveiccas ja don leat ožžon dálkkasdieđalaččat vealtameahttun dikšuma priváhta dearvvašvuohtafuolahusas.