Koronavirusa dihte nuvttá oažžun dikšumii rievdadusat Suomas

19.5.2020

Sosiála- ja dearvvašvuohtaministeriija lea dárkkálnuhttán iežas ovddit dulkoma koronavirusa dihte oažžun nuvttá dikšumis Suomas. Ođđa linnjema mielde dikšun lea nuvttá, juos dus lea ruovttugielda Suomas, nuppi riikka mieđihan dikšunriekteduođaštus dehe don leat mátkkošteaddji. Maiddái dat olbmot, geain lea riekti Kela mieđihan dikšunriekteduođaštussii, ožžot dikšuma nuvttá. Earáide dikšumii gullá máksu, dego earánai buohccedikšumii. Ođđa linnjen bođii vuoibmái 11.5.2020.


Juos olbmos ii leat ruovttugielda Suomas dehe riekti dikšunriekteduođaštussii, de korona dagahan dávdda dikšumii gullá sutnje máksu boahttevuođas.

Ođđa linnjen váldojuvvui atnui 11.5. rájes ja dat heivehuvvo olbmuide, geaid dikšun lea álgán 11.5.2020 dehe dan maŋŋel.

Riekti nuvttá korona dikšumii Suoma almmolaš dearvvašvuohtafuolahusas

Dus lea vuoigatvuohta oažžut nuvttá dikšuma koronavirusa dagahan dávdii Suomas

  • juos dus lea ruovttugielda Suomas
  • juos dus ii leat ruovttugielda, muhto dus lea dikšunriekteduođaštus:
    • EU- ja Eeg-riikkain sihke Šveiccas boahtti olbmot ožžot dikšuma eurohpalaš buohccedikšungoarttain. Suopmelaš ealáhatolbmot, geat orrot olgoriikkain, ožžot dikšuma Kela mieđihan ealáhatoažžu eurohpalaš buohccedikšungoarttain.
    • Davviriikkalaččat eai vealttakeahttá dárbbaš eurohpalaš buohccedikšungoartta Suomas, muhto dikšuma oažžu maid go čájeha bássa dehe eará virggálaš identitehtaduođaštusa.
    • Stuora-Británnias ja Davvi-Irlánddas boahttit ožžot dikšuma go čájehit eurohpalaš buohccedikšungoartta dehe bássa.
    • Austrálias boahttit ožžot dikšuma go čájehit bássa.
  • juos dus lea riekti Kela mieđihan dikšunriekteduođaštussii Duođaštus vuoigatvuođas dikšunovdamuniide Suomas (ovdamearkka dihte Suomas bargi olbmot)
  • juos don leat mátkkošteaddjin Suomas. Dán olmmošjoavkkus ii vealttakeahttá leat dikšunriekteduođaštus, muhto sis lea WHO:a riikkaidgaskasaš dearvvašvuohtajulggaštusa mielde vuoigatvuohta nuvttá korona dikšumii.

Olmmošjoavkkut, geaidda korona dikšun máksá

Earáide koronavirusa dagahan dávdda dikšun máksá, dego earáge dikšun Suoma almmolaš dearvvašvuohtafuolahusas. Dákkár olbmot leat ovdamearkka dihte goalmmát riikkain boahtti

  •  stuđeanttat, geat eai bargga Suomas
  • diplomáhtat
  • sáddejuvvon bargit
  • au pairit
  •   nd. ’báberkeahtes olbmot’, geain lea biehtadahkes dorvobáikemearrádus

Dát dárkkuha, ahte dikšuma duođalaš goasttádusaid galgá máksit ieš iige dain sáhte oažžut buhtadusaid Kelas.

Gánnáha váldit vuhtii

  • Juos it leat sihkar vuoigatvuođastat buohccedikšumii Suomas, sáhtát váldit oktavuođa Kela riikkaidgaskasaš áššiid guovddážii.
  • Kela Áigeguovdil koronadilis -siidui lea čohkkejuvvon diehtu koronadili váikkuhusain Kela doarjagiidda, ohcamušaid gieđahallamii ja bálvalusaide. Siidu áigeguovdilastojuvvo go dilli rievdá.

Lassidieđut:

Buohccán Suomas mátkkoštettiin

Siiddut, mat laktásit fáddái