Dikšunbáikkiválljen.fi fállá dieđu maiddái seavagillii

9.2.2017


Dikšunbáikkiválljen.fi-fierbmebálvalusa guovddášlaččamus sisdoallu almmustahtton čujuhusas viittomakieli.hoitopaikanvalinta.fi.

Dearvvašvuohtabálvalusaid geavaheddjiid ja dearvvašvuohtafuolahusa ámmátolbmuid bálvaleaddji Dikšunbáikkiválljen.fi-siidduin lea diehtu buohcci vejolašvuođain ja vuoigatvuođain geavahit dearvvašvuohtabálvalusaid Suomas ja olgoriikkain. Siidduin oažžu dieđu maid áššehasmávssuin, dikšungoluin ja daid buhtadusain.

Dasa lassin Dikšunbáikkiválljen.fi veahkeha gažaldagain, mat laktásit dearvvašvuohtabálvalusaid geavaheapmái riikkaidgaskasaš diliin, ovdamearkka dihte jos buohccá olgoriikkain fáhkkestaga dehe mátkkošta nuppi riikii oažžut buozalmassásis dikšuma.

Fierbmebálvalusa giellaválljašupmi viidu

Dikšunbáikki.fi-siidduid oba sisdoallu lea oažžumis suoma-, ruoŧa-, eŋgelas- ja davvisámegillii. Siidduid guovddášlaččamus sisdoallu lea dál almmustuhtton maid suoma ja suomaruoŧŧelaš seavagielain. Seavagielalaš videoin muitaluvvo ovdamearkka dihte, mot dearvvašvuohtastašuvnna dehe buohcceviesu sáhttá válljet Suomas, mot fárren olgoriikkaide váikkuha vuoigatvuhtii oažžut buohccedikšuma dehe mot sáhttá ohcalit dikšumii olgoriikkaide.

– Min ulbmilin lea fállat dieđu dearvvašvuohtafuolahusa válljenfriddjavuođas álkit ja ipmirdahtti vuogi mielde buot dearvvašvuohtafuolahusa geavaheddjiide. Viggat viiddidit siidduid giellaválljašumi ja hálideimmet fállat maid seavagiela geavaheddjiide dieđu sin iežaset eatnigillii, dadjá kontáktačuoggá hoavda Marika Lahtivirta. –Sávvat, ahte viidáneaddji giellaválljašumi mielde nu máŋggas go vejolaš gávdnet siidduid ja atnet ávkin dan fállan dieđuid.

Dikšunbáikki.fi-fierbmebálvalusa leat ollašuhttan ovttasráđiid Rájiid rasttildeaddji dearvvašvuohtafuolahusa kontáktačuokkis, Dearvvašvuođa ja buresbirgejumi lágádus, Áel sihke sosiála- ja dearvvašvuohtaministeriija.

Lassidieđut mediai:
Annamari Qvist, kommunikašuvdnaplánejeaddji, Rájiid rasttildeaddji dearvvašvuohtafuolahusa kontáktačuokkis, tel. 050 551 8498, ovdanamma.goargu(at)kela.fi

Siiddut, mat laktásit fáddái