Juos du veajuiduhttindárbu lea šaddan ovdamearkka dihte johtolatbárttis, bargobárttis dehe ámmátdávddas, veajuiduhttima ordnen ii hula Kelai, muhto dan ovddasvástádus gullá dáhkádusfitnodahkii. Soaba iežat dáhkádusfitnodagain ovddalgihtii meannudemiin, juos du ulbmilin lea ohcalit olgoriikkaide veajuiduhttima oažžuma várás.

Juos veajuiduhttima ordnen gullá Kelai, váldde oktavuođa Kelai čielggadit vejolašvuođaidat oažžut veajuiduhttima olgoriikkain.

Olgoriikkain addojuvvon veajuiduhttima buhtadusat

Jos veajuiduhttin lea leamaš dikšuma addán EU- dehe Eeg-riikka dehe Sveicca láhkaásaheami ja dikšungeavada mielde dálkkasdieđalaččat vealtameahttun dikšun ja leat máksán dan goluid ieš, nu sáhtát oažžut buhtadusa eanemusat dan meari rádjái, mii livččii leamaš danveardásaš veajuiduhttima gollu iežat buresbirgenguovllus.

  • Dikšunaddi mearrida leago dálkkodanveajuiduhttin dálkkasdieđalaččat vealtameahttun dikšun.
  • Dikšunaddi mearrida maid, oaččutgo dálkkodanveajuiduhttima eurohpalaš buohccedikšungoarttain.
  • Dábálaččat veajuiduhttin ii leat dálkkasdieđalaččat vealtameahttun dikšun, itge sáhte oažžut dan eurohpalaš buohccedikšungoarttain.

Oza veajuiduhttimis šaddan goluide buhtadusa Kelas.