Maid jagi 2018 statistihkat muitalit rájiid rasttildeaddji dearvvašvuohtafuolahusas?

Rájiid rasttildeaddji dearvvašvuohtafuolahusa kontáktačuoggá ja Áel:a čohkken statistihkkadieđut rájiid rasttildeaddji dearvvašvuohtafuolahusas jagi 2018 ovddas leat gárvánan. Sáhtát oahpásnuvvat statistihkaide kontáktačuoggá Slideshare-konttos.

Statistihkat čájehit, ahte áššehasaid máksin vealtameahttun dikšuma golut EU-guovllus njidje ovddit jagi ektui. Jagi 2018 áššehasat mákse vealtameahttun dikšuma goluid sulaid 2,4 miljovnna euro, go jagi 2017 golut ledje 4,9 miljovnna euro. Seamma ládje maid áššehasaide mieđihuvvon buhtadusaid mearri njiejai 1,8 miljovdnii ovddit njealji miljovnnas.

EU-guovllus addon fysioterapiija sihke dálkasiid ja doktárbálkkašumiid golut bealisteaset loktane veaháš ovddit jagi ektui. Golut sáhttet laktásit juogo fáhkkestaga buohccámii dehe iešdoaibmi dikšuma ohcaleami diliide. Jagi 2018 áššehasat mákse ovdamearkka dihte doaktárbálkkašumiid 708 000 euro ja jagi 2017 548 000 euro. Doaktárbálkkašumiin mieđihuvvon buhtadusat loktane 88 000 euroi ovddit jagi 85 000 euros.

Estteeanan, Duiska ja Espánna ain bivnnuheamos riikkat

Estteeanan lea ain čielga njunušsajes iešdoaibmi dikšumii ohcaleami čuozáhatriikkaid joavkkus. Duiska lea šaddadan bivnnutvuođas maŋemuš jagiid ja giccui dál nuppi sadjái. Espánnja dievasmahttá njunušjoavkku goalmmádin. Golmmanjunuš lea nappo bisson seamman go jagi 2017, duššefal siskkáldas ortnet lea molsahuvvan.

EU-guovllu olggobeal riikkain suopmelaččat leat atnán eanemusat Thaieatnama dearvvašvuohtabálvalusaid. Golmmanjunušin leat dasa lassin Ovttastuvvan stáhtat ja Durka. Dáin riikkain áššehasaid iežaset máksin ollislaš golut ledje goitge ovddit jagi mihá unnibut. Jagi 2018 áššehasat mákse ovdamearkka dihte Thaieatnamis buohccedikšungoluid vuollái miljovnna (638 000 euro), go jagi 2017 submi lei sulaid 1,5 miljovnna euro.

EU- ja Eeg-riikkain ja Šveiccas addin dikšuma várás mieđihuvvon ovdalobiid mearis eai leat dáhpáhuvvan stuora earáhusat. Jagi 2018 ovdalobit mieđihuvvoje 215 st, ja jagi 2017 seamma lobit mieđihuvvoje 200 st.

Eurooppalaisten sairaanhoitokorttien (sámás: eurohpalaš buohccedikšungoarttaid) mearri joatká dássedis šaddama. Jagi 2018 Áel:a mieđihan eurohpalaš buohccedikšungoarttat ledje measta guovtti miljovnna olbmos.

Jagiid gaskavuođa veardádallan hástaleaddji

Statistihkaid dutkkadettiin ferte muitit, ahte rájiid rasttildeaddji dearvvašvuohtafuolahusa goluid lea váttis čuozihit dihto jagiide ja dát váttásnuhttá jagiid gaskavuođa veardádallama. Áššehasat sáhttet ohcat buhtadusaid olgoriikkain addojuvvon dikšumis juobe jahkebeali addojuvvon dikšuma maŋŋel. Dasa lassin ohcamušaid gieđahallamis sáhttá leat vuordinráidu. Maiddái stáhtaidgaskasaš buohccedikšuma goluid buhttemis buhtadusbivdagat ádjánit. Loguid geahčadettiin gánnáha maid váldit vuhtii, ahte euromeriide váikkuha njuolga dat, makkár dikšun olgoriikkain lea ožžojuvvon. Juo ovttaskas buohcci oažžun divrras dikšun sáhttá loktet buhtadusaid meari dihto jahkečuolddas.