Geavaheaddjijearahallama bohtosat albmosii: miellagovva siidduin lea buorre, muhto dovddusvuohta galggalii lasihuvvot
2.11.2022
Ollahuhtiimet geavaheaddjijearahallama suoma-, ruoŧa- ja eŋgelasgillii. Geavaheaddjit vástide jearahallamii eanemusat suomagillii (340 vástádusa) ja nubbin eanemusat eŋgelasgillii (66 vástádusa). Ruoŋagielalaš vástádusaid oaččuimet 9. Jearahallamii vástideddjiid gaskkas vuorbádeimmet 50 euro skeaŋkagoartta beaivválaš biebmo- ja gálvogávpái. Vuoitu manai dán vuoru Porvooi.
Geavaheddjiid miellagovva siidduin lea buorre
Oppalaččat geavaheddjiid miellagovva EU-dearvvašvuođadikšun.fi-siidduin lei buorre. Geavaheaddjit atne árvvus siidduin earenoamážit čielga olgguldas hámi, viiddes diehtomeari sihke sisdoalu, mii lei ovdanbuktojuvvon ipmirdahtti vuogi mielde.
Geavaheaddjit ožžo eanas dieđu siidduin sosiálalaš media dehe ohcanbálvalusa bakte. Vástideddjiid joavkkus ledje maid olugat, geat leat oahpásnuvvan siidduide ovdamearkka dihte dáhpáhusaid olis.
Jearahallama vuođul geavaheaddjit ohcet siidduin eanemusat dieđu iežas dehe lagašolbmo dili várás. Earenoamážit geavaheaddjit ohcet dieđu das, mot doaibmat, juos buohccá olgoriikkain báifáhkka. Eará beroštahtti fáttát ledje buohcci vuoigatvuođat sihke gažaldagat, mat laktásit dálkasiidda ja mátkkošteapmái.
Siidduid dovddusvuohta galggalii vel lasihuvvot
Jearaimet geavaheddjiineamet maid, mot siiddut galggale sin mielas ovdánahttojuvvot. Geavaheddjiid mielas siiddut leat ávkkálaččat, muhto dat eai oro dovdojuvvome dárbahassii bures. Dovddusvuođa lasiheapmi loktanii ovdan máŋggain vástádusain. Diehtu sáhtálii geavaheddjiid mielas maid buktojuvvot ovdan máŋggabeallásaččabut, ovdamearkka dihte muitinlisttuid bakte. Iešguđetlágán doaimmaid lasiheapmái siidduide oaččui maid guottáhusa – earenoamážit siidduide sávvojuvvui chat-vejolašvuohta áššehasbálvaleddjiin.
Kontáktačuokkis joatká jearahallanbohtosiid muohkadeami
Geavaheaddjijearahallan loktii ovdan máŋggaid ovdánahttinčuozáhagaid ja čuovvovaččat joatkit bohtosiid dárkilit analyserema.
– Mii leat duođaid duhtavaččat, ahte nu máŋggas siidduid geavaheddjiin vástidii jearahallamii. Dál joatkit bohtosiid guorahallama ja mearridit čuovvovaš siidduid ovdánanlávkkiin, muitala Rájiid rasttildeaddji dearvvašvuohtafuolahusa kontáktačuoggá áššedovdi Mira Rantakeisu.
Siiddut, mat laktásit fáddái
- Muitte dáid áššiid, go geavahat olgoriikkalaš neahttaklinihka bálvalusaid1.2.2024
- Hárjehallamis hálti bargokarrierii – Loga golmma Rájiid rasttildeaddji dearvvašvuohtafuolahusa kontáktačuoggá ovddeš hárjehalli muitalusaid30.1.2024
- Kela (Áel): Suopma ii doaisttážii váldde atnui buohccedikšumis, mii addojuvvo olgoriikkain, ovdalohpemeannudeami EU buohccedirektiivva mielde19.12.2023
- Loga lasi