Riikaguovdasaš siiddut fállet mátkái dehálaš dieđu báikkálaš dearvvašvuođa fuolahusas

7.12.2022

Min riikaguovdasaš siiddut leat olgoriikamátkkošteaddjái ávkkálaš diehtobáŋku. Dat čohkkejit oktii dieđu dearvvašvuođa fuolahusas ja buhcciid vuoigatvuođain badjel 50 riikkas. Dán čavčča mii leat áigeguovdilastán riikagovvádusaide dieđuid earenoamážit dálkasiin ja reseapttain.


Eará riikkaid mielladearvvašvuođa fuolahusa gokčevašvuođas, kvaliteahtas ja goluin leat stuora erohusat. Riikaguovdasaš siidduineamet basttát oahpásnuvvat dearvvašvuođa fuolahussii Eurohpas go Eurohpa olggobealdenai. Siiddut fállet luohtehahtti dieđuid das, makkár dilis dus lea riekti buohccedikšumii olgoriikkain, mot ohcalat doaktára vuostáváldimii ja maid ieš mávssát dikšumis. Dasa lassin mii leat čohkken siidduide báikkálaš dearvvašvuođa fuolahusa geavadiin sihke eiseválddiin. Dáin lea ávki earenoamážit dalle, go háliidat ohcalit iešoaivves dikšuma várás olgoriikkaide.

Riikasiidduide oahpásnuvvama lassin du gánnáha furket čuozáhatriikka heahtenummára ja rádjat maid sadjosii báikkálaš dearvvašvuođa fuolahusa eiseválddi kontáktadieđuid ovdal mátkki. Muitte váldit mielde eurohpalaš buohccedikšungoartta, juos mátkkoštat EU- dehe Eeg-riikii, Šveicii dehe Stuora-Británniai. Eurohpalaš buohccedikšungoarttain oaččut dikšuma, juos buohccát báifáhkka go orodat olgoriikkain. Mátkái gánnáha álohii maid váldit mátkedáhkádusa, mii dárbbu mielde buhtte duođalaččat buohccáma ja das mielddisbuktin goluid.

Áigeguovdilastimat dálkkasreseapttaide ja siidduid ráhkadussii

Áigeguovdilastit riikaguovdasaš siidduid juohke čavčča ovttasráđiid Eurohpalaš álbmotlaš kontáktačuoggáiguin sihke Suoma ambassádaiguin. Dán čavčča mii leat lasihan riikagovvádusaide dieđu earenoamážit dálkasiin ja dálkkasreseapttain, main gávdnojit dávjá riikaguovdasaš erohusat. Mii leat áigeguovdilastán dieđuid earret eará reseapttaid dohkkenáiggiid sihke šleađgareseaptta geavaheami. Dáid áigeguovdilastimiid mielde siidduin lea mihá álkit gávdnat dieđu das, maid don galggat váldit vuhtii, go oasttát reseaptadálkasiid olgoriikkain.

Áššesisdoalu rievdamii lassin mii leat hábmen riikaguovdasaš siidduid ráhkadusa čielgaseabbon, geavaheaddjiustitlaččabun ha deavsttat leat gáhttejuvvon giela dáfus. Dát leat fáttát, maid olis mii bargat geažos áigge.

Oahpásnuva riikaguovdasaš siidduid lassin Lupmui Eurohpii -muitinlistui ja ovdamearkamuitalusaideamet rájiid rasttildeaddji dearvvašvuođa fuolahusa diliin.

Fuomášathan, ahte dađi bahábut riikagovvádusat almmustuhttojit dušše suoma-, ruoŧa- ja eŋgelasgillii.