Kontáktačuokkis mielde Mátkemeassuin 19.-22.1.2023

9.1.2023

Rájiid rasttildeaddji dearvvašvuođa kontáktačuokkis lea mielde Mátkemeassuin Helssega Meassoguovddážis 19.-22.1.2023 meassoossodagas 6s59. Meassuin don sáhtát gullat áššedovdiideamet mátkkošteaddji ja ealáhatoažžu buohccedikšumis olgoriikkain 20.1. ja 21.1. Kontáktačuokká Facebook-konttus sáhtát oassálastit vuorbádeapmái, mas sáhtát vuoitit meassobileahtaid alccesat ja ustibasat.


Kontáktačuoggá meassoossodagas 6s59 sáhtát jearrat ja ságastallat dearvvašvuođa bálvalusain ha buohccedikšumis olgoeatnamis. Mii oahpásnuhttit meassuin EU-terveydenhoito.fi (sámás: EU-dearvvasvuođadikšun.fi) -fierbmebálvalusa, mas gávnnat ovdamearkka dihte mátkkošteaddjái ávkkálaš dieđu badjel 50 riikka dearvvašvuođa bálvalusain. Meassoossodagas sáhtát maid destet iežat dieđuid leaikahápmásaš lihkkojorris ja searvat vuorbádeapmái, man vuoitun lea skeaŋkagoarta.

19.1. meassu lea rabas ámmátolbmuide ja 20.1. uksa rahpasa álbmogii.

Boađe guldalit dárkkesinfoid mátkkošteaddji ja ealáhatoažžu buohccedikšuma birra olgoeatnamis

Dieđátgo, mot oaččut divššu, juos buohccát olgoeatnamis? Kontáktačuoggá áššedovdi Mira Rantakeisu ja ovdohoavda Matias Kainu doallaba guokte dárkkesinfo Meassoguovddáža prográmmalávddiin, main vuojulduvvo rájiid rasttildeaddji dearvvašdikšuma gažaldagaide ja hástalusaide. Oaččut dieđu das, maid áššiid gánnáha váldit vuhtii, go plánet mátkki dehe muotkuma olgoeatnamii.

Vuosttaš dárkkesinfo dollojuvvo Second Home Stages bearjadaga 20.1. diibmu 11.00. Dárkkesinfo fáddán lea Eläkepäivät ulkomailla – Tiedätkö oikeutesi sairaanhoitoon? (Ealáhatbeaivvit olgoeatnamis – Dieđátgo iežat rivttiid buohccedikšumii?) Dárkkesinfo lea čuozihuvvon earenoamážit ealáhatoažžuide, geat juogo orrot olgoeatnamis dehe árvvoštallet muotkuma olgoeatnamii.

Nubbi dárkkesinfo, Minulla on matkavakuutus, mihin tarvitsen eurooppalaista sairaanhoitokorttia? (Mus lea mátkedáhkádus, masa dárbbahan eurohpalaš buohccedikšungoartta?) dollojuvvo We Love Cruises Stages lávvordaga 21.1. diibmu 13.30. Dan čuozáhatjoavkun leat visot mátkkošteaddjit, geat háliidit diehtit mátkkošteaddji dearvvašvuođa dikšumis ja rivttiin olgoeatnamis.

Vuoitte bileahtaid mátkemeassuide!

Kontáktačuoggá Facebook-konttus lea manname vuorbádeapmi, mas sáhtát vuoitit meassobileahtaid guoktásii. Sáhtát searvat vuorbádeapmái go kommenteret min Facebook-olggosaddima. Vuorbádit bileahttabáhkaid 16.1.