Riikaguovdasaš siidduin oaččut dieđu iežat mátkečuozáhaga dearvvašvuohtabálvalusain

Dearvvašvuohtabálvalusat ja daid oažžasuvvan molsahuvvet mátkečuozáhagas sorjavažžan ja dieđu ohcan báikkálaš gálduin sáhttá orrut hástaleaddji. Riikaguovdasaš siidduid ulbmilin lea fállat mátkkošteaddjái luohtehahtti dieđu mátkečuozáhaga báikkálaš dearvvašvuohtafuolahusa bálvalusain, dikšuma oažžuma áššiin, mávssuin ja buhtadusain sihke dearvvašvuohtafuolahusa eiseválddiin.

Vaikko riikaguovdasaš siiddut leatnai plánejuvvon veahkehit earenoamážit báifáhkka buohccáma diliin, de siidduin lea ávki maid dalle, juos mátkkát ulbmilin lea báikkálaš dearvvašvuohtafuolahusa bálvalusaid atnin.

Oahpásnuva iežat mátkečuozáhaga dieđuide juo ovdal mátkki álgima.

Go oahpásnuvat mátkečuozáhaga dearvvašvuohtabálvalusaide juo ovddalgihtii, de dieđát mot doaibmat go buohccát fáhkkestaga. Muitte aŋkke furket iežat telefovdnii čuozáhatriikka báikkálaš heahtenummára ja čilget, makkár áššegirjjit dárbbašat dikšuma oažžuma várás. Dárkkis maid mávssuid ja buhtadusaid geavadiid. Lassidieđu oažžuma várás riikaguovdasaš siidduide leat lasihuvvon liŋkkat luohtehahtti báikkálaš dearvvašvuohtafuolahusa fierbmesiidduide.

Riikaguovdasaš siidduid beaivádeapmi bargojuvvo čavččaid go siiddut leat čohkkejuvvon dan várás ja eará jagiáiggiid dárbbu mielde. Beaivádeapmi ollahuhttojuvvo ovttasbarggus eará riikkaid rájiid rasttildeaddji dearvvašvuohtafuolahusa kontáktačuoggáiguin sihke ambassádaiguin.

Oahpásnuva riikaguovdasaš siidduid lassin siidui, mii gieđahallá mátkkošteami ja koronavirusa, go plánet mátkkošteami.  Luomus Eurohpas –siiddus gávnnat ávkkálaš mátkkošteaddji muitinlisttu.