Juos don leat duhtameahttun Kela mearrádussii
Mearrádus dikšunrievttis
Juos don leat duhtameahttun Kela dikšunriektemearrádussii, don sáhtát ohcat dasa nuppástusa Kelas. Juos Kela mielas mearrádusa ii sáhte njulget du háliidan vuogi mielde, don sáhtát váidalit sosiáladorvoáššiid nuppástusohcanlávdegoddái. Sosiáladorvoáššiid nuppástusohcanlávdegotti mearrádusas sáhttá váidalit dáhkádusriektái, mii lea alimus váidalandássi. Lassidieđut váidalanproseassas gávnnat Kela siidduin (suomagillii).
Mearrádus ovdalobis dehe olgoriikkain addojuvvon buohccedikšuma buhtadusas
Juos don leat duhtameahttun Kela mearrádussii, mii guoská ovdalobi dehe olgoriikkain buohccedikšuma buhtadusa, don sáhtát ohcat dasa nuppástusa Kelas. Juos Kela mielas mearrádusa ii sáhte njulget dego don háliidat, don sáhtát váidalit mearrádusas hálddahusriektái. Hálddahusrievtti mearrádusas sáhtát váidalit viidáseappot alimus hálddahusriektái, juos dat mieđiha váidalanlobi. Alimus hálddahusrievtti mearrádus lea loahpalaš ja das ii sáhte váidalit. Lassidieđut váidalanproseassas gávnnat Kela siidduin (suomagillii).
Don sáhtát váidalit hálddahusriektái maiddái Kela mearrádusas, mii guoská ovdalobi mieldásaš dikšungoluid sihke ovdalobiin addojuvvon dikšumii gullevaš mátke-, orodan- ja dálkkasgoluid.