Vuoigatvuohta oažžut dikšundárbbu árvvoštallama dihto áiggis

Dikšundárbbu árvvoštallan lea du dikšuma guovddášoassi. Dus ii leat rájehis vuoigatvuohta oažžut man beare iežat hálidan dikšuma ja jođánit, muhto dikšumat dárbbu ja hohpolašvuođa árvvoštallá dearvvašvuohtafuolahusa ámmátolmmoš. Árvvoštallan ferte vuođđuduvvat dálkkasdieđalaččat ja bátnedálkkasdieđalaččat dohkkehuvvon kritearaide.


Árvvoštallama dikšundárbbus dahká álohii dearvvašvuohtafuolahusa lágalažžan dahkkon ámmátolmmoš. Árvvoštallama sáhttá dahkat earánai dearvvašvuohtafuolahusa ámmátolmmoš go doavttir. Son árvvoštallá fáktabáikái boahtima ákka, dávdamearkkaid luonddu, duođalašvuođa ja hohpolašvuođa du muitalan ovdadieđuid vuođul.

Dearvvašvuohtafuolahusa ámmátolmmoš galgá dahkat árvvoštallama dikšundárbbus maŋimusat golmma beaivvi geažes das, go leat váldán oktavuođa iežat dearvvašvuohtastašuvdnii.