Buohcceáittardeaddji
Juohke dearvvašvuohtaguovddážis ja buohcceviesus lea buohcceáittardeaddji, gii doaibmá buohcci vuoigatvuođaid ovddideami várás.
Buohcceáittardeaddji bargun lea neavvut ja veahkehit, jos don leat ovdamearkka dihte duhtameahttun iežat oažžun dikšumii dehe duinna meannudeapmái. Buohcceáittardeaddji sáhttá maid veahkehit du muittuhusa, guoddalusa dehe buohccevahátilmmuhusa dahkamis.
Buohcceáittardeaddji ii sáhte váldit beali dálkkasdieđalaš dikšunmearrádusaide dehe dasa, leago dikšumis dáhpáhuvvan buohccevahát.
Jos vávjját buohccevahága, sáhtát dahkat vahátilmmuhusa Buohccedáhkádusguovddážii. Buohccevahátguovddáš čoavdá, leago gažaldat buhttenvuloš buohccevahágis.
Oaččut buohcceáittardeaddji oktavuohtadieđuid dárbbu mielde dan dearvvašvuohtastašuvnnas dehe buohcceviesus, gos don leat dikšojuvvon.
Buohcceáittardeaddji bálvalusat leat nuvttá.