Vuolleahkásaš buohcci sajádat
Vuolleahkásaš buohcci oaivil galgá váldojuvvot vuhtii su dikšumis dalle, go dat lea su agi ja čálgandási hárrái vejolaš.
Jos vuolleahkásaš buohcci agis ja čálgandásis vuođul bastá mearridit dikšumisttis, su galgá dikšut oktasaš ipmárdusain suinna. Jos vuolleahkásaš bastá mearridit iežas dikšumis, son sáhttá gieldit iežas dearvvašvuohtadili ja dikšuma dieđuid addima fuolaheaddjásis dehe eará lágalaš ovddasteaddjásis.
Doavttir dehe eará dearvvašvuohtafuolahusa ámmátolbmot árvvoštallet, bastágo mánná dehe nuorra mearridit ieš dikšumisttis.
Jos vuolleahkásaš ii bastte mearridit dikšumisttis, son galgá dikšojuvvot oktasaš ipmárdusain su fuolaheddjiin dehe eará lágalaš ovddasteddjiin.
Vuolleahkásaš buohcci fuolaheaddjis dehe eará lágalaš ovddasteaddjis ii leat vuoigatvuohta gieldit dárbbašlaš dikšuma addima buohcci heakka dehe dearvvašvuođa uhkideaddji vára duostuma várás.