Vuoigatvuohta buori dikšumii ja meannudeapmái

Dus lea vuoigatvuohta buori dearvvašvuohta- ja buohccedikšumii. Dearvvašvuohtafuolahusa ámmátolbmot galget meannudit duinna nu ahte gudnejahttet du nanu oskku, du oktonasvuođa sihke du olmmošárvvu. Du eatnigiella, kultuvra sihke ovttahatolbmo dárbbut galget vejolašvuođaid mielde váldojuvvot vuhtii du dikšumis.

Dearvvašvuohtafuolahusa bálvalusain buohccit eai oaččo biddjojuvvot sierra sajádahkii ovdamearkka dihte agi, dearvvašvuohtadili dehe lámisvuođa vuođul. Duššefal dálkkasdieđalaš ákkat ožžot váikkuhit dikšunmearrádusaide.

Du oaivil galgá váldojuvvot vuhtii dikšumisttát

Dearvvašvuohtafuolahusa ámmátolbmot galget dikšut du searválagaid duinna. Jos hálidat, sáhtát biehttalit muhtin dihto dikšumis dehe doaibmabijus. Jos biehttalat dikšumis, don galggat vejolašvuođaid mielde dikšojuvvot eará dálkkasdieđalaččat dohkálaš vuogi mielde.

Dus ii leat vuoigatvuohta oažžut man beare iežat hálidan dikšuma. Loahpaloahpas  dikšumis, mii addojuvvo, mearrá álohii doavttir dálkkasdieđalaš ákkaid vuođul.

Buohcci sáhttá gieldit dikšuma dehe doaibmabiju, vaikko su dearvvašvuohtadilli gáibidivččiige dan. Doavttir galgá čilget buohccái ipmirdahtti vuogi mielde, maid biehttaleapmi máksá. Jos buohcci ain biehttala dutkamis dehe dikšumis, biehttaleamis dahkkojuvvo merken buohcceáššegirjjiide.

Dearvvašvuohtafuolahusa ámmátolbmot galget addit dutnje dieđu dearvvašvuohtadilistat ja dikšumisttát

Dearvvašvuohtafuolahusa ámmátolbmot galget iešoaivves addit dutnje čilgehusa dearvvašvuohtadilistat. Dus lea riekti oažžut diehtit sierra dikšunmolssaeavttuin ja daid váikkuhusain sihke vejolaš áruin. Dus lea vuoigatvuohta oažžut diehtit buot áššiin, main lea mearkkašupmi, go dikšumisttát merrojuvvo.

  • Buohccái ii oaččo addit dieđuid, jos son ii hálit daid.
  • Dieđut eai maid oaččo addojuvvot, jos dieđuid addin dagahivččii vára buohcci heggii dehe dearvvašvuhtii.
  • Dušše eahpádus das, ahte dieđut sáhtáše vaháguhttit buohcci, ii leat nohkka sivva diktit orrut attekeahttá dieđuid buohccái, jos dát háliida daid.

Du dearvvašvuođa ja dikšuma dieđut galget addojuvvot dađi lági mielde, ahte ipmirdat dárbahassii bures daid sisdoalu. Dearvvašvuohtafuolahusa ámmátolbmot galget dárbbu mielde ordnet dulkoma, jos dus ja dikšunbargoveagas ii leat oktasaš giella.

Dus lea vuoigatvuohta dárkkistit du buohcceáššegirjjiide merkejuvvon dieđuid. Sáhtát bivdit dieđuid divvuma, jos dat eai leat riekta. Bivdda čujuhuvvo dan dearvvašvuohtafuolahusa ovttadahkii, masa diehtu lea registrerejuvvon. Sáhtát geahččat iežat buohccedieđuidat Iežasfuorká-bálvalusas. Sáhtát maid furket dikšundáhtu ja/dehe ealaluobahandáhtu Iežasfuorkái.