Dikšunplánas doallá sisttis

  • diagnosa
  • dikšuma dárbbu ja ulbmila
  • bargojuogu
  • dikšuma ollašuhttima ja vugiid
  • čuovvuma ja árvvoštallama
  • dálkkodeami.

Dikšunplánas šihttojuvvojit maid dat áššit, main ieš fuolahat.

Buohccin dus lea álohii vuoigatvuohta dikšunplánii, mii ráhkaduvvo ovttasráđiid dearvvašvuohtafuolahusa ámmátolbmuin. Maiddái oapmahaččat, lagamusat dehe lágalažžan dahkkon ovddasteaddji sáhttet leat mielde du dikšunplána ráhkadeamis. Dikšunplánain sáhttet koordinerejuvvot sierra buozalmasaidat dikšumat dorvvolaččat ja sihkkarastojuvvot dikšumiiddát oktiiheivvolašvuohta ja ollašuhttin.

Doavttir mearrá dálkkasdieđalaš dutkamušain, dávdda meroštallamis ja dikšumis. Son váldá du oaivila vuhtii dikšuma plánemis ja go dahkkojit dikšunmearrádusat. Buohccin dus lea vuoigatvuohta oažžut dárbahassii olu dieđu dikšumisttát ja dan riskkain, vai sáhtát oassálastit dikšumat mearrádusaide. Dus lea vuoigatvuohta buktit ovdan iežat sávaldagaid. Dus lea maid vuoigatvuohta biehttalit fállojuvvon dikšumis, ja dalle dutnje ohccojuvvo muhtin eará molssaevttolaš dikšunhápmi.

Jos orodat jeavddalaččat dehe guhkit áigge iežat buresbirgenguovllu olggobealde, sáhtát geavahit dikšuma ollašuhttima várás dikšunplánat mielde maid eará go iežat buresbirgenguovllu vuođđodearvvašvuođa bálvalusaid. Dihto sierradiliin, dego dialysadikšumis, sáhtát geavahit maid spesiálabuohccedikšuma bálvalusaid. Du buresbirgenguovllu dearvvašvuohtastašuvnnas ráhkaduvvon dikšunplána lea dál vuođđun dutkamušaide ja dikšumii orrungielddastat. Du dikšuma ovddasvástideaddji dearvvašvuohtastašuvdna ii goit rievdda, daningo du hoahpuhis dikšuma válljen guoská dál dušše daid dearvvašvuohtabálvalusaid, mat leat mielde du dikšunplánas.