Olgoriikkain dearvvašvuohtafuolahusa bálvalusaid geavahusa rehketbearramii váikkuhit čuovvovaš áššit:

  • man riikkas oaččut dikšuma
  • leatgo buohccán dikšuma addán riikkas fáhkkestaga dehe leatgo mátkkoštan dohko geavahit dearvvašvuohtabálvalusaid
  • oaččutgo dikšuma báikkálaš almmolaš dehe priváhta dearvvašvuohtafuolahusas.

Olgoriikka dikšunaddi sáhttá gáibidit ovddalgihtii mávssu dehe dáhkádussupmi máksima ovdal dikšuma addima.

Suopmelaš eiseválddit eai sáhte fállat dieđuid bienasta bitnii dearvvašvuohtabálvalusaid olgoriikka hattiin. Čielggat nappo ieš vejolašvuođaid mielde ovddalgihtii dikšunaddis dehe čuozáhatriikka eiseválddiid olis, mat leat du rehketbearranvuloš dikšuma golut.

Jos don leat máksán ieš dikšumis šaddan goluid olgoriikkain, nu oza buhtadusa Áel:s.

EU-riikkain dikšunhattit galget leat buohkaide seammat

EU-riikkain dearvvašvuohtafuolahusa bálvalanbuvttadeaddjit sáhttet lupmosit ásahit iežaset hattiid. Eaktu lea goitge, ahte hattit eai bija sierraárvosaš sajádahkii čuozáhatriikka fásta orruid ja eará EU-riikkain dikšumii ohcaleaddji buohcciid.

EU-riikkain dearvvašvuohtafuolahusa bálvalanfáladeaddjit galget

  • heivehit eará EU-riikkain boahtti buohcciide seamma dearvvašvuohtafuolahusa máksotabealla go ruovttueatnama buohcciide

dehe

  • bearrat bealakeahtes ja vealakeahtes ákkaid mielde rehkenaston hatti, jos veardidangelbbolaš haddi ii leat leame ruovttueatnama buohcciide.

Dikšunaddi lea geatnegahtton addit dutnje haddeárvvoštallama plánejuvvon dikšumis. Dikšunaddi galgá addit dikšumisttát maid čielga rehkega ja máksinguitte, man vuođul du dikšun sáhttá buhttejuvvot.

Mas dikšunhaddi šaddá?

Vejolaš golut, mat berrojuvvojit dikšumis, sáhttet leat ovdamearkka dihte

  • áššehasmávssut, mat sáhttet leat fástahattágat buot buohcciide
  • iežasovddasvástádusoassi, mii lea dábálaččat oassi dikšuma olles goluin
  • gohccimávssut
  • dálkkasdikšun, mii addojuvvo buohcceviesus, ja man haddemeroštallan sáhttá leat ovdamearkka dihte tableahtaguovdasaš dehe dálkkasbuktagaguovdasaš
  • rabasdikšuma fitnanmávssut
  • seaŋgaossodatdikšuma dehe buohcceviessodikšuma mávssut
  • laboratoriamávssut
  • sierra mávssut doaktárduođaštusain ja cealkámušain sihke daid jorgalusain
  • dulkon
  • buohccefievrridanmávssut
  • dikšundárbašat
  • dikšuma áigge adnon eará dárbašat ja bálvalusat, ovdamearkka dihte liidnebiktasat, buohcceviessobiktasat, čorgen, mális, televišuvdna, telefovdna ja priváhtalatnja.

Máksin

Olgoriikkain lea dábálaš, ahte dikšunaddi bearrá dikšungoluid áššehasas dikšuma olis. Dábálaččat dikšunaddit gáibidit olgoriikkain reaidaruđa dehe máksima kredihttagoarttain dikšunbáikkis. Olgoriikkain leat leamaš dilit, main áššehas ii luitojuvvo eret dikšunbáikkis ovdal máksima.

Oassi dikšunaddiin addá dikšumis rehkega, man galgá máksit maŋálgihtii.

Jos vejolaš, čielggat ovddalgihtii dikšunaddis, mot dat bearrá rehkega addojuvvon dikšumis ja mot máksin dáhpáhuvvá. Sihkkarastte, ahte oaččut guitte buot mávssuinat sihke čilgehusaid dahkkon doaibmabijuin, jos dat eai oidno guittes.