Hárvenašdávddain dárkkuhuvvo Suomas buozalmas, man buhcet eanemusat vihtta olbmo 10 000 orru guovdu. Eurohpalaš máhttinfierpmádagade (gč. Eurooppalaisiin osaamisverkostoihin) gullet hárvenaš dávddaid máhttinguovddážat, mat doaibmet Eurohpa sierra guovlluin. Áššedovdiid ja dieđu čohkkemis sáhttá leat stuora ávki, go buohcci ja su doavttir dárbbašit veahki ovdamearkka dihte diagnosa dehe divššu meroštallamis. Máhttinfierpmádagaid doarjagiin doavttir sáhttá neavvut ja doarjut buohcci su hárvenašdávddastis ovdalačča buorebut.

Eurohpalaš máhttinfierpmádagas leat oktiibuot 24 sierra dávdii spesialiseren fierpmádaga. Dain leat lahttun badjel 900 eará sierrasurggiid dearvvašvuođa fuolahusa ovttadaga Eurohpa eará riikkain. Suomas visot universiteahtalaš buohcceviesut oassálastet ERN-doibmii. Lahttuvuođat suopmelaš buohccedikšunbiirriin leat nuppi lahttoohcama maŋŋel buot dávdajoavkkuin.

Mot máhttinfierpmádagat doibmet?

Suomas doavttir, gii dikšu buohcci, sáhttá hálus mielde atnit ávkki eurohpalaš máhttinfierpmádagas ovdamearkka dihte diagnosa dahkamis dehe dikšunvuogi mearramis. Buohcci ii leat ieš oktavuođas máhttinfierpmádagaide, muhto kontáktaolmmožin doaibma doavttir, gii dikšu buohcci. Suopmelaš hárvenašdávddaid máhttinguovddážat sirdet konsultašuvdnabivdagiid eurohpalaš máhttinfierpmádagaide.

Oktavuođa váldimiidda ja buohcci dieđuid atnui dárbbašuvvo buohcci čálalaš lohpi. Oktavuođa doallan eurohpalaš  máhttinfierpmádagaide dáhpáhuvvá diehtodorvvolaš konsultašuvdnavuoláža mielde. Vuoláža bakte doaktárat sáhttet jearrat ráđi eará gažaldatvuloš fierpmádaga lahtuin ja doallat dárbbu mielde fierbmevuostáváldimiid. Máhttinguovddáža cealkámušat sáddejuvvojit dikšu doaktárii. Fierpmádaga ráđit eai čana dikšu doaktára, muhto doavttir dahká dikšunmearrádusaid ovttas buhcciin.

Virtuála konsultašuvnnat dahket vejolažžan dan, ahte buohcci ii dárbbaš vealtakeahttá mátkkoštit olgoriikkaide. Muhtin dáhpáhusain mátkkošteapmi leat goitge ákkastallojuvvon, jos ovdamearkka dihte dihto čuohpadusdikšun ii leat oažžunsajis Suomas. Dalle buohcci sáhttá ohcat ovdalobi Kelas (gč. ennakkolupaa Kelasta). Buohcceviesut sáhttet ordnet dikšuma maid buohcceviesuidgaskasaš oastinbálvalussan.

Loga, mot eurohpalaš máhttinfierpmádagat doibmet geavadis: Onni muitalus.