Jearahallan muitala: miellagovva kontáktačuoggás lea luohtehahtti ja áššedovdi

Mii čoaggit dieđu, vai sáhttit buoridit bálvalusa

Mii ovdánahttit Rájiid rasttildeaddji dearvvašvuohtafuolahusa kontáktačuoggá doaimma, vai sáhttit bálvalit áššehasaideamet ja guimmiideamet ovdalačča buorebut. Kontáktačuokkis juohká dieđu dearvvašvuohtabálvalusaid geavaheamis Suomas ja olgoriikkain. Guovddáš bálvalankanálamet leat EU-dearvvasvuodadiksun.fi-siiddut ja šleađgaboastaáššehasbálvalus (yhteyspiste@kela.fi).

Mii háliideimmet čielggadit, mot áššehasat ja ovttasbargoguoimmit oidnet kontáktačuoggá. Dán dihte ollahuhtiimet jearahallama, mii juhkkojuvvui ovdamearkka dihte kontáktačuoggá áššehasráđđái ja čanusjoavkkuide. Jearahallamis ledje gažaldagat Rájiid rasttildeaddji dearvvašvuohtafuolahusa kontáktačuoggá bohciidahttán miellagovain, EU-dearvvasvuodadiksun.fi-siidduin ja das, man bures min dovdet. Mii leimmet maid beroštuvvan das, makkár riikkaidgaskasaš buohccedikšunáššiid vástideaddjit muosáhit dehálažžan bargguset dehe iežaset eallima dáfus.

Dovddusvuođas buoridanmunni

Mii oaččuimet jearahallamii oktiibuot 170 vástádusa. Vástideaddjit árvvoštalle rájiid rasttildeaddji dearvvašvuohtafuolahusa kontáktačuoggá orrut leame luohtehahtti ja áššedovdi. Nuppe dáfus čielggasvuođas ja ipmirdahttivuođas lea buoridanmunni.

Bohtosiin oaččui deattu dat, ahte Rájiid rasttildeaddji dearvvašvuohtafuolahusa kontáktačuokkis ii leat oahpes doaibmi máŋgga vástideaddjái. Eatnasat vástideddjiin árvvoštalle iežaset dovdat kontáktačuoggá hejot dehe eai ollenge. Dušše hárve vástideddjiin atne kontáktačuoggá oahpisin ja dovddus doaibmin.

Jearahallamii vástideaddjit addet maid mearkkašemiid EU-dearvvasvuodadiksun.fi-siidduid birra. Siidduid birra giitosat bohte olu dehálaš dieđus, muhto oassi vástideddjiin sávale siidduid leat čielgaseappot.

Rájiid rasttildeaddji dearvvašvuohtafuolahus beroštahttá

Mii háliideimmet čielggadit kontáktačuoggá bohciidahttán miellagovaid lassin dan, mot vástideaddjit leat beroštuvvan dain áššiin, main juohkit dieđu. Jearahallama vástideaddjit atne dehálažžan ovdamearkka dihte dieđu buohccámis olgoriikkain, goluid buhttemis buhcciid rivttiin.

Bohtosat veahkehit doaimma ovdánahttimis

Jearahallama bohtosat adde lasi ákkaid dasa, ahte rájiid rasttildeaddji dearvvašvuohtafuolahusa dovddusvuohta galgá buoriduvvot. Mii leat juo álggahan dán barggu. Mii viggat ovdamearkka dihte ođasnuhttit kontáktačuoggá bránda ja gárvvi, ipmirdit áššehasjoavkkuideamet buorebut ja čielggasmahttit EU-dearvvasvuodadiksun.fi-siidduid.

Mii váldit áinnas máhcahaga vuostá

Evttohusat doaimmasteamet dehe siidduideamet ovdánahttima várás leat bures boahtimat álohii. Don sáhtát addit máhcahaga EU-dearvvasvuodadiksun.fi-siidduid máhcahatskovi bakte.