Ruovttugielddahis olbmos lea vuoigatvuohta geavahit dearvvašvuohtabálvalusaid áššehasmávssuin

Almmolaš bálvalusvuogádahkamet okta sierrasárggusiin lea leamaš dearvvašvuohtabálvalusaid ordnen dađi lagi mielde gos orru. Bálvalusat leat báikkálaččat ja dat fállojuvvojit iežas gieldda orruide. Buohccedikšunbuhtadusat oažžu juohke Suomas buohcama geažil oadjuduvvon.

Olgoriikka olbmos, geas ii leat ruovttugielda, dehe olgoriikkain fásta orru suopmelaččas sáhttá maid leat vuoigatvuohta almmolaš dearvvašvuohtabálvalusaide ja buohccedikšunbuhtadusaide Suomas. Dan dáhkidit álbmotlaš láhkaásaheapmi, Eurohpa uniovnna láhkaásaheapmi ja Suoma čadni riikkaidgaskasaš soahpamušat. Ovdamearkka dihte Espánnjas orru ealáhatolbmos, gean buohccedikšuma goluin Suomas lea ovddasvástádus, lea vuoigatvuohta oažžut buohccedikšuma gieldalačča áššehasmávssuin.

– Ruovttugielddahis olmmoš galgá álohii ráhkkanit duođaštit dikšunvuoigatvuođas, ovdamearkka dihte eurohpalaš buohccedikšungoarttain. Dearvvašvuohtafuolahusa ámmátolbmuide leage dehálaš diehtit, mot sierra vugiid mielde áššehas sáhttá duođaštit vuoigatvuođas dikšumii, dadjá plánejeaddji Sanna Kuorikoski Áel:a riikkaidgaskasaš áššiid máhttinguovddážis.

Eurohpalaš buohccedikšungoarta lea dábálaččamus vuohki duođaštit dikšunvuoigatvuođas ja oažžut dikšuma dearvvašvuohtaguovddážis dehe buohcceviesus áššehasmávssuin. Jos áššehas lea nuppi Davviriikkas, dikšunvuoigatvuođas sáhttá duođaštit maid persovdnaduođaštusain dehe pássain. Stuora-Británnias dehe Davvi-Irlánddas boahtti áššehas sáhttá duođaštit vuoigatvuođas dearvvašvuohtabálvalusaid geavahussii maid pássain. Austrálias boahtti dikšunriekteduođaštussan heive duššefal pássa.

– Jos áššehasas lea Áel:a mieđihan ealáhatoažžu eurohpalaš buohccedikšungoarta, nu sus lea vuoigatvuohta vuođđodearvvašvuođa ja sierradearvvašvuođa bálvalusaide seamma hattiin go gieldda orruin. Áel sáhttá maid mieđihit ruovttugielddaheapmái duođaštusa vuoigatvuođas dikšunovdamuniide Suomas, Kuorikoski cealká.

Duođaštus vuoigatvuođas dikšunovdamuniide ja eurohpalaš buohccedikšungoarta galgá leat vuoimmis dalle, go dikšun addojuvvo. Jos áššehasas ii leat Suomas ruovttugielda iige dikšunriekteduođaštus sáhte mieđihuvvot, nu sus lea vuoigatvuohta dušše hohpolaš dikšumii almmolaš dearvvašvuohtafuolahusas. Dalle áššehas máksá ieš bálvalusa buvttadeami dagahan goluid.

Áela:a riikkaidgaskasaš áššiid guovddás (suomagillii) bálvala buot Supmii dehe olgoriikkaide fárrejeddjiid ja áššehasaid, geat leat eará riikkaidgaskasaš diliin.